Tekur Sjálfstæðisflokkurinn upp rasistaáherslur ?

Leiðarahöfundur Morgunblaðsins kvartar undan því að ekki sé rætt um „ástæður flóttamannasprengjunnar“ á Íslandi. „Eingöngu kjánaleg yfirboð og samkeppni um það hver sé snjallastur við að finna greiðustu leiðina til að sökkva Íslendingum á kaf í afleiðingar upplausnarinnar,“ segir í leiðara blaðsins í dag.

___________________

Davíð Oddsson ritstjóri Moggans og guðfaðir Bjarna Benediktssonar ætlar að taka upp rasískar áherslur.

Það boðar ef til vill þá tíð að Sjálfstæðisflokkurinn ætli að keyra á slíkum áherslum í næstu kosningum.

Sjálfstæðisflokkurinn mælist nú um 20% og á þeim bæ þykir slíkt fylgi óásættanlegt og formaðurinn fær vafalaust alvarlega áminningu frá valdablokkinni í flokknum.

Mogginn hefur greinilega fært sig til hægri og ætlar að taka upp þjóðernislegar áherslur.

Ritstjórinn fer hamförum og málflutningur hans gæti boðað áherslur flokksins næstu mánuði og fram að kosningum.

Framsókn tók þetta til prufu í borgarstjórnarkosningum með góðum árangri.

Niðurstaða Sjálfstæðisflokksins gæti því orðið að láta Framsókn ekki stela þessu djásni frá sér í landskosningum.

Allavegana vekur málflutningur ritstjóra Moggans mikla athygli og gæti sýnt það sem koma skal hjá flokknum.

Athugasemdir

[Jóhann Kristinsson, 2.9.2015 kl. 21:29]

Síðan hvenær er það slæmt að hafa íslensk þjóðmál í fyrirrúmi? Það er furðuleg afstaða.

Hvað ætli að Jón Ingi vilji taka marga flóttamenn inn á sitt heimili?

Kveðja frá Houston