Ríkisstjórnin er umhverfisslys.

Ekki er gert ráð fyrir sérstakri fjárveitingu til friðlýsingaverkefna á vegum Umhverfisstofnunar, annað árið í röð. Formaður Náttúruverndarsamtaka Íslands segir stjórnvöld meðvitað skera niður fé til friðlýsinga, til að tryggja það að virkjunarkostir í verndarflokki verði ekki friðlýstir.

_____________

Ríkisstjórn Sjálfstæðisflokks og Framsóknarflokks er umhverfisslys.

Viðhorf hennar og þingflokka íhaldsflokkanna, eru viðhorf úreltra gilda og afturhalds í umhverfismálum.

Undanfarin ár hafði mikið áunnist í umhverfismálum á Íslandi, þó maður hefði sannarlega viljað sjá meira að gert.

En með ríkisstjórarsamstarfi afturhaldsins hefur öll þróun í umhverfismálum stöðvast og viðhorf hennar til þess málaflokks eru eins og þau voru fyrir tveimur til þremur áratugum.

Virkjanir og aftur virkjanir, verndarsjónarmið látin lönd og leið og friðlýsingum hætt.

Það er alvarlegt þegar slíkir afturhaldsflokkar komast til valda.

Þá er hætta á ferðum því skilingsleysi og skammsýni ráða för.

Þess vegna er þessi íhalds-ríkisstjórn umhverfisslys og hættuleg landinu.