Kjánahrollur - ferlega óþægilegur.

Ruglið heldur áfram.

Umræða um Icesave-frumvarp ríkisstjórnarinnar hófst að nýju á Alþingi á 12. tímanum í dag. Fimmtán þingmenn eru nú á mælendaskrá um málið. Um er að ræða 2. umræðu um frumvarpið, sem hófst fimmtudaginn 19. nóvember.

Ég verð að viðurkenna það... ég fæ kjánahroll af því að fylgjast með þessir dæmalausu sýndarmennslu og flokkspólitíska kjaftæði á Alþingi. Að nokkrum manni skuli líðast það að halda úti skemmdarverkastarfssemi gegn landi og þjóð... hvað ætla hrunflokkarnir að halda þessum ljóta leik áfram... hafa þeir ekki valdið okkur nægilegu tjóni nú þegar.

Væru þingmenn til með að hlífa okkur fyrir bullinu og kjánalegri umræðu.

Umræða um Icesave hafin aftur

Athugasemdir

[Ólafur Als, 2.12.2009 kl. 12:20]

Mér sýnist sem þú hafir misreiknað þig eitthvað, varabæjarfulltrúi samfylkingarinnar á Akureyri. Margir kunna að vera þreyttir á Icesave en það eru einungis helstu flokksdindlarnir sem lepja upp áróður forkólfa ríkisstjórnarflokkanna.

Ég skora á þig að fara inn á indefence.is og láta gott af þér leiða í stað þess að kokgleypa hræðsluáróður ríkisstjórnarinnar. Þegar ráðamenn eru orðnir slíkir heimsborgarar að þeir láta sig meira varða álitið í útlöndum en hvað fólk hér heima hugsar er kominn tími á að sömu aðilar athugi sinn gang. Er kominn tími á að þú, Jón Ingi, athugir þinn gang?

[Adda Þorbjörg Sigurjónsdóttir, 2.12.2009 kl. 12:22]

Jón, málið er að meirihluti þjóðarinnar telur ekki að samþykki Icesave sé ekki skemmdarstarfsemi heldur þvert á móti. Þetta mál á að vera hafið yfir flokkadrætti og einfalda spurningin á að vera hjá hverjum Íslendingi; Er rétt að láta þjóðina gangast í ábyrgð fyrir Icesave?

Niðurstaða mín og, samkvæmt skoðanakönnunum, mikils meirihluta þjóðarinnar er að svarið sé nei. Yfir þann þröskuld megi ekki fara. Engu skiptir hvaða flokkar væru í stjórn. Þessi samningur er óhæfa.

[Sigurður Yngvi Sveinsson, 2.12.2009 kl. 12:46]

Jón, þú mátt kalla stjórnarandstöðuflokkana hrunflokka ef þú vilt, en er ekki Samfylkingin jafnmikill hrunflokkur og þeir ?  Þú talar eins og Samfylkingin hafi aldrei verið í ríkisstjórn Geirs Haarde.

Þú talar um bull og kjánalega umræðu.  Á sama tíma er ljóst að stór hluti þjóðarinnar vill ekkert með þetta Icesave fyrirbæri hafa.  Og stjórnarþingmenn mæta ekki einu sinni á þingfund !

[Gísli Ingvarsson, 2.12.2009 kl. 12:53]

Auðvitað er þetta skandall. Ég sem hélt að þingsköpum hafi verið breytt 2006 eða 7 til að koma í veg fyrir málalengingar á þingi. Hef sem semsagt misskilið það. Einhvern tíman þarf að taka ákvörðun. Þetta sýnir okkur að lýðræði er hægt að fótum troða af ofbeldismönnum á þingi. Sorglegt. Styð þessa ríkisstjórn heilshugar takk fyrir.

[Ólafur Als, 2.12.2009 kl. 13:02]

Ekki er að blessuðum stuðningsmönnum stjórnarinnar að hæða. Nú er fundið að forminu en ekki innihaldinu. Það er ergilegt, jafnvel bjálfafyndið, að ekki sé hægt að koma í veg fyrir umræðu, hvort sem menn vilja kalla hana málþóf eða rökræðu. Það breytir nefnilega engu, hvoru tveggja pirrar stjórnarliða jafn mikið. Jafnvel helstu dindlar ríkisstjórnarinnar ættu að sjá það.

[Óðinn Þórisson, 2.12.2009 kl. 18:18]

Icesave frumvarpið skerðir fullveldi Íslands að mati Sigurðar Líndals lagaprófessors.

Krafan er þjóðaratkvæðagreiðsla

[Guðjón Sigþór Jensson, 2.12.2009 kl. 18:28]

Þetta er nú meiri kliðurinn. Hvað þið eru heppin fyrir norðan að sitja ekki uppi með þessa sísuðandi stjórnarandstöðu. Að flytja sömu ræðuna allt að 70 sinnum! Halda menn virkilega að þeir séu í uppmælingu: er kaupið kannski króna aukreitis fyrir hvert orð?

Kveðja

Mosi

[Víðir Benediktsson, 2.12.2009 kl. 18:58]

Við hérna fyrir norðan sitjum uppi með bæjarstjórnarmeiriluta (S+D) sem 70% bæjarbúa vill skipta út nú þegar samkvæmt nýasta þjóðarpúlsi Gallup