Til hamingju - gott mál.

Til hamingju Elín Björg.

 Nýr formaður BSRB var löngu tímabært og gott að fá skelegga konu í þetta embætti. Bæði Arna Jakobína og Elín Björg áttu fullt erindi í þetta embætti en aðeins einn getur sigrað og niðurstaðan gat ekki orðið annað en góð með konu sem sigurvegara í þessu tilfelli.

Nú fáum við BSRB félagar formann sem lítur á verkefnið sem fullt starf, en það er mín skoðun að samtökin hafi blætt fyrir það undanfarin ár að formennskan hefur verið rekin sem hlutastarf í afgangstíma viðkomandi. Það er fullt starf að vera þingmaður og það er líka fullt starf að vera formaður heildarsamtaka yfir 20.000 manns.

Gott hefði verið að Ögmundur hefði hætt þegar hann fór á þing, það hefði skilað sterkari samtökum í hendur arftakans. En hann kaus að gera það ekki.

En nú er það að baki og verkefnin bíða á hverju strái fyrir nýja forustu.

Elín Björg kosin formaður BSRB