Grundarreiturinn er sælureitur á jörð.

 

 

 Sumarblíða var í Eyjafirði í dag. Allur snjórinn sem féll síðustu og næstsíðustu viku á láglendi er horfinn og fjöllin orðin æði flekkótt. Það var notalegt að ganga einn hring í Grundarreitnum þar sem oftast nær er enginn til að trufla. Blæöspin frá Jótlandsheiðum virðist ekki ætla að roðna þetta árið en missa laufið gult og svart. Hvað veldur því veit ég ekki.

 

 

 

 

Þessi mynd var tekin á sama stað fyrir rúmri viku. Þá var vetrarlegt umhorfs og fegurðin ekki síðri. Það var dásamlegt að ganga hringinn í snjónum, heyra marrið í nýföllnum snjónum og lyktin af fallandi laufi .... haustlyktin, fyllti mann friðsæld og sálin fékk dýrmæta hvíld frá amstri og umræðu dagsins.