Samkeppni um orku frá Þeistareykjum ?

Ánægjulegt er að sjá frétt sem birtist á mbl.is í morgun.

"Sveitarfélagið Þingeyjarsveit hefur ritað undir viljayfirlýsingu við Greenstone ehf. um byggingu gagnavers á lóð í sveitarfélaginu. Þingeyjarsveit mun leggja til lóðina undir gagnaver eða eiga milligöngu um slík og Greenstone muni sjá um kynningu á möguleikum sveitarfélagsins í þessu efni, hönnun og væntanlega byggingu gagnavers, að því er segir í fréttatilkynningu. "

Það sem ég er að velta fyrir mér hvort þarna er að hluta til að koma í ljós þeir möguleikar sem eru að skapast á nýtingu orkunnar frá Þeistareykjum í fyllingu tímans. Ég veit ekki hvort er til nægileg orka í núverandi kerfi til að mæta þessari viðbót. Fróðlegt væri að heyra það.

Ef til vill verður afnám einokunaraðstöðu Alcoa að orkunni í Þingeyjarsýslum til þess að aðrir möguleikar spretti fram.... hver veit ?

Stefnt að gagnaveri í Þingeyjarsveit

Athugasemdir

[einsi (IP-tala skráð) 12.10.2009 kl. 12:19]

Góð frétt sem kannski getur leyst pattstöðuna um orkulindirnar í Þingeyjarsýslu.

Það er alltaf að koma betur og betur í ljós hvað þessi 360.000 tonna álversdraumur á Húsavík er fjarlægur.

Því er skynsamlegra að líta á eitthvað smærra.

Hægt er að byrja á Bjarnarflagsvirkjun strax.

[Benedikt V. Warén, 12.10.2009 kl. 12:30]

Gagnaver er gott og gilt, en hvað endast þau lengi??  Hvergi fleygir tækninni jafn hratt fram og í þeim geira.  Innan fárra ára gæti verið komin tækni sem gerir gagnaver óþörf a.m.k. að orkuþörfin verði einungis brot af því sem nú er.  Hvað eru þessi fyrirtæki til í að gera langa samninga um orkukaup? 

Viljayfirlýsng við Alcoa er búin að vera gild í nokkurn tíma.  Hvað voru mörg fyrirtæki sem föluðust eftir orku á þeim tíma?  Álver eru að gera samninga til tuga ára fram í tímann.

Með þessum orðum er ég ekki að tala gegn gagnaverum, bara að vekja athygli á þessu.  Öll störf á landsbyggðinni telja, - bæði stór og smá.