Sterkara að hafa ráðherra sem treystir sér í verkin.

1.10.2009 | 08:09

Sterkara að hafa ráðherra sem treystir sér í verkin.

Velkomin til starfa Álfheiður Ingadóttir. Það styrkir óneitanlega ríkisstjórnina að hafa ráðherra í þessum erfiða málflokki sem er heill og óskiptur í vinnunni. Ögmundur, eins ágætur og hann nú er hefur ekki verið að axla það að vera ráðherra í ríkisstjórn þar sem þarf öfluga sýn á þau verk sem framundan eru og hefur ekki verið að ganga í takt með framkvæmdavaldinu.

Það styrkir því ríkisstjórnina að hafa ráðherra sem hefur á það skýra sýn að þjóðinn þarf öfluga framkvæmdastjórn þar sem samheldni og öflug verkþekking skiptir öllu máli.

Ögmundur snýr sér að almennri þingmennsku sem er gott mál því fáir eru eins öflugt á samviskuvaktinni þegar kemur að stefnumótun og því sem þingmennsku fylgir. Mér fannst einhvernveginn alltaf, að þessi darraðardans í heilbrigðisráðuneytinu hentaði gamla socialistanum ekki.

	Álfheiður verður ráðherra
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

ertu að grínast!! Eini maðurinn með viti farinn úr ríkisstjórninni!! Eini maðurinn sem þorði að mótmæla tvíeykinu!

Guðrún Ólafsdóttir (IP-tala skráð) 1.10.2009 kl. 08:24

Voðalega eru Samfó fólk hörundsárt. Látið eins og þið séuð þau einu sem geta valdið hlutunum. Sættið ykkur við það að þið eruð ekki óskeikul og hafið ekki þjóðina á bakvið ykkur. Maður hálf vorkennir ykkur.

Þórður Runólfsson (IP-tala skráð) 1.10.2009 kl. 08:36

Öflugasti ráðherrann er farinn.

Sigurður Þórðarson, 1.10.2009 kl. 08:54

Frekar ósmekklegt af þér að væna Ögmund um kjarkleysi, á sama tíma og hann gefur mjög skiljanlega skýringu á afsögn sinni.

Ögmundur velur þarna að fylgja samvisku sinni og taka ákvörðun út frá henni, vinnubrögð sem SF mættu alveg hafa á bakvið eyrað, svona af og til.

hilmar jónsson, 1.10.2009 kl. 09:10

Jón Ingi, er það nú ekki að leggjast á dálítið dapurt plan og í útúrsnúninga að ætla Ögmundi það "hugleysi" að hann treysti sér ekki í ráðherraverkin. Í þessu máli styð ég Ögmund og fagna þeim orðum hans að Icesave málið sé ofar pólitísku þrasi. Hann virðist vera einn af örfáum stjórnarliðum sem lætur ekki "flokksræðið" kúga sig. Ég hlustaði á Ögmund í Kastljósi og hef ekki ástæðu til að rengja orð hans, því ættir þú að hafa ástæðu til þess, gæti "pólitísk blinda þín" ráðið einhverju þar um. Mikið er ég sáttur við þann "eiginleika" að geta myndað mér sjálfstæðar skoðanir á mönnum og málefnum óháð því hver "flokkslínan" er, þú ættir að láta á það reyna hvort sá eiginleiki leynist ekki djúpt í vitund þinni.