Risaskref í átt til endurreisnar.

"Vonast er til þess að hægt verði að útskýra aðgerðir stjórnvalda við skuldavanda heimilanna í smáatriðum í þessari viku. Árni Páll Árnason, félagsmálaráðherra, segir að hnýta þurfi lausa enda í samstarfi við bankana, en það ætti að klárast í dag eða á morgun.

Skuldarar í landinu sem stríða nú við þungar afborganir eigi að finna fyrir áhrifum aðgerðanna frá og með 1. nóvember en einhver hluti þeirra komist ekki í gagnið fyrr en 1. desember í síðasta lagi."

Stór áfangi í aðgerðum til endurreisnar efnahags heimilanna er að líta dagsins ljós þessa dagana. Það er gleðilegt og mjög jákvætt innlegg í þá miklu erfiðleika sem land og þjóð eiga við að glíma.

Mér finnst merkilegt að sjá sumar bloggara halda áfram að hamast í foráttumyrkri hugans frekar en reyna að sjá ljósglætu og fagnar hverjum áfanga ... stórum sem smáum. Hugarfarið er ef til vill hluti af þeim vanda sem við er að glíma en þó má sjá batamerki með hverri aðgerð sem lítur dagsins ljós.

Ég ætla mér að vera bjartsýnn á þær aðgerðir sem framundan eru og það munar um þær upphæðir sem þessi aðgerð ein skilar ákaflega mörgum. Þó eru enn um 20% skuldara sem þurfa enn frekari aðgerðir til björgunar að sögn félagsmálaráðherra. Sá hópur er ekki að gleymast þó nú verði kynntar hinar almennu aðgerðir.

Borgað af lánum eftir tekjum

Athugasemdir

[Gísli Baldvinsson (IP-tala skráð) 29.9.2009 kl. 20:38]

Þetta er tákn um betri tíð! Tuttugu mínútur og enginn tuðari hérna!

[Víðir Benediktsson, 29.9.2009 kl. 23:15]

Tuttugu mínútur er ekki mikið miðað við að fólk er búið að bíða í heilt ár eða fimm hundruð tuttgu og fimm þúsund og sex hundruð mínútur. Svona bjálfar væru ekki nothæfir til sjós.

[Jón Halldór Guðmundsson, 30.9.2009 kl. 00:04]

Þessar hugmyndir sem kynntar hafa verið um léttari greiðslubyrði heimilanna eru mjög lofandi.