Svikamyllur á svikamyllur ofan.

Maður er eiginlega hættur að verða undrandi þegar berast fréttir af svindli og svínaríi. Þessi             " útrásarvíkingur " hefur greinilega verið að markaðssetja og nýta sér íslenskt hugvit í Svíþjóð. Það endar með því að Íslenskt vegabréf setur þá sem það sjá í varúðarstellingar.

Mikið hafa þeir á samviskunni sem hafa rústað áliti okkar og hróðri um allan heim. Ísland = svindl er farið að verða eins og myllusteinn um hálsinn á þjóðinni. Og svo eru þetta ekki nema tiltölulega fáir einstaklingar.

Virðingarleysi fyrir lögum, rétti, viðskipasiðferði og öðrum skyldum þáttum er orðið rauður þráður í umræðum hér á landi. Það líður vart sá dagur að eitthvað komi ekki upp á yfirborðið.

Síðast í kvöldfréttum í RUV áðan fengum við að vita af lögmanni sem var kominn í liðið, sem vill ná fram réttlæti og mætti sem slíkur í Kastljós fyrir nokkrum dögum, væri búinn að skipta um kennitölur á fyrirtækjum sínum og hætt við að einhverjir tapi nokkrum tugum milljóna á því. Vonandi röng frétt...annars getur þessi ágæti maður sleppt því að reka réttlætismál fyrir dómsstólum.

Íslendingur sagður á bak við milljarðasvikamyllu í Svíþjóð

Athugasemdir

[Theódór Norðkvist, 16.9.2009 kl. 22:43]

Ég verð að játa að ég skil ekki alveg þessa frétt. Maðurinn stundaði gjaldeyrisviðskipti. Á hvaða hátt var það svikamylla eða lögbrot? Braut hann haftalögin?

Er þetta ekki bara það sama og Exista, bankarnir og nú síðast háttsettur maður í Seðlabankanum voru að gera? Býður 300 þúsund hræðna gjaldmiðill ekki einfaldlega upp á þetta?

[Jón Ingi Cæsarsson, 16.9.2009 kl. 22:52]

Þetta hefur ekkert með íslenskar krónur að gera... mér sýnist að hann hafi bara hirt það sem hönd á festi.

[Theódór Norðkvist, 16.9.2009 kl. 23:48]

Það kann að vera, en það kom bara ekki nógu skýrt fram í fréttinni. Gjaldmiðillinn einfaldlega býður upp á brask. Það er bara mannlegt að hugsa sig tvisvar um þegar menn geta keypt evrur á 180 krónur og selt á 200-250 krónur. Ekki er það nú lítið sem hrunið hefur kostað flesta. Meira að segja íslenskir ferðamenn erlendir eru í þeirri stöðu að geta þetta.

Nú veit ég ekki hvort þetta stríðir gegn haftalögunum, en þetta var gert á fullu áður en þau voru sett. Og var alveg jafn skaðlegt fyrir gjaldmiðilinn og nú.

[Theódór Norðkvist, 16.9.2009 kl. 23:49]

...ferðamenn erlendis...