Landmótun og uppgræðsla á Glerárdal.

Uppgræðsla á Glerárdal.

Umhverfisnefnd Akureyrar tekur þátt í samnorrænu verkefni Countdown 2010 sem byggir á endurheimt líffræðilegs fjölbreytileika. Vel á annan tug sveitarfélaga á öllum Norðurlöndunum taka þátt í verkefninu og eru Akureyri og Álftanes fulltrúar Íslands. Verkefnisstjórnin á Akureyri valdi sér þau verkefni að enduheimta landgæði á Glerárdal að austan, votlendi í Naustaborgum og útrýmingu aðskotaplantna í Hrísey. Öll eru þessi verkefni vel á veg kominn og þegar sjást þess merki á öllum stöðum að unnið er af festu. Hundatjörn í Naustaborgum var vel sýnileg í sumar eftir áratuga fjarveru og báráttan við kerfil, lúpínu og hvönn stendur sem hæst í Hrísey. Þó þarf að herða á því verkefni með fleiri aðferðum.

Endurheimt landgæða á Glerárdal er hafin.

Verkefnisstjórnin valdi að endurheimta landgæðin á Glerárdal eins og áður sagði. Það er í samræmi við stefnu og átælanir bæjarstjórnarmeirihlutans. Verkefnið var áfangaskipt þannig að fyrst var unnin landmótun þar sem gamlar námur jafnaðar og gamlir sorphaugar sem þarna voru hreinsaðir. Það verkefni var unnið í sumar sem leið og fyrri hluta sumars í ár lauk landmótuninni, vegurinn að útivistarsvæðunum innar á dalnum færður neðar á unnið land og hreinsað til á svæðum ofan núverandi sorphauga. Að þessu loknu var sáð í mótað landið og nú sést árangurinn, svæðið er smátt og smátt að umvefjast grænum gróðri og uppblástur horfinn. Bundið slitlag verður sett á veginn fljótlega.

 Lokahnykkur þessa verkefnis verður síðan lokun sorphauganna og endurheimt landgæða á því svæði einnig. Samkvæmt áætlun er reiknað með að því verkefni gæti lokið seinni hluta árs 2010 eða fyrri hluta árs 2011 en það helgast fyrst og fremst af hvenær gengið verður frá nýjum urðunarstað en það verk er komið vel af stað. Jarðgerð á svæðinu er lokið og jarðgerðarstöð Moltu á Þveráreyrum tekin við því hlutverki.

Vestan árinnar er hafin vinna við frágang og lagfæringar svæða Bílaklúbbs Akureyrar og framkvæmdir eru á Skotsvæðinu. Þessar framkvæmdir munu taka nokkurn tíma en þegar þessu líkur hefur mynni Glerárdals tekið stakkskiptum og verður okkur Akureyringum til sóma í hvítvetna en á það hefur skort síðustu áratugi.