Ætti að fara þangað sem hann fær að spila.

Eiður Smári er að brenna út sem knattspyrnumaður, sitjandi á bekknum hjá Barcelona. Eins og sást greinilega í landsleiknum í síðustu viku er drengurinn aðeins skugginn af sjálfum sér.

Vonandi drífur hann sig í annað lið þar sem hann fær að spila heila leiki og fær að spreyta sig af fullum krafti. Svona mun hann koðna niður í ekki neitt og missa sæti sitt í landsliðinu fljótlega. Ef til vill hefur Ólafur hann með út á gamla takta en hann er ekki lengur sá drifkraftur sem hann var landsliðinu fyrir þremur til fjórum árum.

Þetta er hlutskipti knattspyrnumanna sem lenda fyrir slysni hjá frægum, flottum liðum og fá svo lítið sem ekkert að vera með. Það er hörmulegt hlutskipti fyrir knattspyrnumann en vafalaust fínt fyrir þá sem eru bara að sækjast eftir góðum launum fyrir lítið vinnuframlag.

Eiður kom ekkert við sögu í sigri Barcelona