Framsókn var búin að mála sig út í horn.

Nokkuð breið sátt hefur nú náðst í fjárlaganefnd um fyrirvara við Icesave. Ríkisábyrgðin mun því verða samþykkt á Alþingi og hægt verður að vinna áfram að endurreisn Íslands með aðkomu allra þeirra þjóða sem okkur hafa lofað stuðingi og lánum.

En sáttin var ekki eins breið og vonast var til. Framsóknarflokkurinn er ekki með. Það kemur ekki á óvart í ljósi sögu þessa máls.

Formaður flokksins hefur gert þetta að sérstöku vandræðabarni sínu og hafði komið að því eftir öðrum leiðum með rauðvínsklúbbi Oxfordstúdenta eins og sumir hafa kallað InDefence klúbbinn.

Þegar upp var staðið hafði formaður Framsóknarflokksins sent frá sér svo margar og svo digrar yfirrlýsingar að hann hafði málað sig út í horn. Hann gat ekki bakkað og gat ekki tekið þátt í því með hinum að finna lausn fyrir Ísland þar sem styrkur samstöðunnar yrði ásýnd þess í augum alheimsins.

Það er oft betra að segja minna og hugsa meira... pólitík er nefnilega eins og skák.. það þarf að hugsa fleiri en einn leik fram í tímann til að geta unnið skákir. Leikur formanns Framsóknarflokksins var einn... og hann málaði flokkinn út í horn þegar þurfti að klára skákina.

Sigmundur Davíð mun aldrei ná langt í pólitík... það er ljóst. Ef það á að gerast þarf hann að læra þá list að segja minna og hugsa meira.

Samkomulag í fjárlaganefnd

Athugasemdir

[Saevar Helgason (IP-tala skráð) 15.8.2009 kl. 10:16]

Sammála þessu.  Ég held að tími Sigmundar Davíðs í stjórnmálum sé liðinn.  Hugmyndin hefur verið sú með ICESAVE málið og andstöðuna við málalok - að reyna síðar að hífa Framsókn upp með gagnrýni á einhverskonar svikasamning.  Það er borin von.  Nú tekur við endurreisn efnahagslifsins á Íslandi.  Það er m. a fagnaðarefni að lesa um í dag varðandi stórt gagnaver á Blöndósi- sem virðist vera á lokasprettinum með að fastsetja.  Sérstakt fagnaðarefni er að það skuli rísa norðan heiða....