Þvílíkt bull og vitleysa.

Davíð Oddsson er snillingur. Mér finnst það allnokkur ósvífni að efast um að hann hafi haft hæfileika til að stýra Seðlabankanum.

Þegar skoðaður er ferill hans í Seðlabankanum má sjá að á þeim bænum hafa eingöngu verið teknar djúpar, yfirvegðar ákvarðanir.

Hann horfði á bankana stækka og dafna og fá margar frábærar hugmyndir. Hann hvatti bankana til dáða og hældi þeim í bak og fyrir enda ein helsta von Íslands í framtíðinni.

Svo kom hrunið og þá er hvergi hægt að finna að því sem Seðlabankinn gerði og gerði ekki. Allt var þetta hnitmiðað og allar þær ákvarðanir sem teknar voru við skrifborð Davíðs drógu mjög úr þeim áhrifum sem af hruninu urðu. Ljóst er að maðurinn lágmarkaði skaðann með hæfni sinni og þekkingu.

Ég skil ekkert í þessari illgrini að skrifa svona um Davíð Oddsson... ljós og líf landsins í áratugi.

Segir Davíð hafa skort sérfræðiþekkingu

Athugasemdir

[Sigurður Sigurðsson, 9.8.2009 kl. 17:38]

Mér finnst eins og votti fyrir öfundsýki frá þinni hálfu í garð Davíðs.  Þvílikur yfirburðarstjórnmálamaður í sögu Íslands.

En skrýtið að þið Samfylkingarmenn skulið aldrei minnast á ábyrgð fyrrverandi bankamálaráðherrans, kjúklíngsins Björgvins G. Sigurðssonar, sem sat á vaktinni í hruninu - meira að segja heila 18 mánuði fyrir hrun - og gerði ekki neitt.

Það sem þið gerðuð var hinsvegar að verðlauna þennan sofandi kjána og setja hann í 1 sæti í Suðurkjördæmi ???

[Jón Ingi Cæsarsson, 9.8.2009 kl. 19:17]

Sisi...held að ég hafi sagt þér áður að hann var sá eini sem sagði af sér og axlaði ábyrgð.. og ég held að ég hafi líka leiðrétt þig með það að það voru 14 mánuðir og allir sammála um að hrunið byrjaði upp úr áramótum 2007-8 þegar krónan fór að hrynja og endaði í október með hruni bankanna. Björgvin tókst sem sagt ekki að stöðva hrunið eftir 6 mánaða setu í sæti viðskiptaráðherra frekar en Geir Haarde og Árna Matt sem voru búnir að stjórna fjármálaráðuneyti í mannsaldur... og fram yfir hrun... og datt ekki í hug að axla ábyrgð.

Heyrðu.. ég var að hæla Davíð og dásama... ég held að þú ættir að lesa þetta aftur.

[smg, 9.8.2009 kl. 20:26]

Já og náttúrulega "Tær snilld" þegar hann afnam bindiskylduna :)

[Jóhannes (IP-tala skráð) 9.8.2009 kl. 23:36]

Sisi, og Jón,

   Já, það er erfitt fyrir ykkur að viðurkenna að þið gerðuð stór mistök með því að treysta þessum

   manni, og trúa á "visku" hans. Kannski kusuð þið hann líka. 

    Maðurinn er trúður í dag, það sjá allir. Því miður. Hann ætti að draga sig í hlé, til að verja ágæta

    arfleið sína í stjórnmálum.