Öfgatrú er vandamál.

Atburður sem fjallað er um í þessari frétt er sorglegt dæmi um misnotkun og mistúlkun á trú. Allt of algengt er að fólki sem aðhyllist einhver trúarbrögð eða eru ánetjaðir öfgafullum sértrúarsöfnuðum fari illa út úr þeim viðskiptum.

Mér hefur alltaf þótt sorglegt þegar forsvarsmenn öfgatrúarhópa nýta sér fáfræði og örvæntingu fólks oft með hörmulegum afleiðingum. Þekkt er viðhorf hóps sem hefur fótfestu hér á landi þar sem hafnað er blóðgjöf sama hvað þörfin er mikil.

Það er líka ömurlegt að heyra svokallaða predikara á opinberum trúarstöðvum hvetja fólk til að gefa stórfé til fjölmiðlareksturs trúarhópa og lofa eilífri vist í himaríki í staðinn.

Það mætti heimfæra ýmislegt sem öfgatrúrhópar gera og segja til hliðstæðu við útrásarvíkingana. Þeir notfæra sér einfaldleika og trú fólks til að hafa af því fé og fá það til að tilbiðja trúarskoðanir sem smíðaðar eru af öfgamönnum sem mistúlka trúna sér í hag.

Þetta dæmi sem sagt er frá í þessari frétt er örugglega ekki einsdæmi. Það er allt of algengt að trúarhópar misnoti sér fáfræði, sakleysi og einfaldleika fólks.... sem oft á í erfiðleikum í lífinu og getur illa borið hönd yfir höfuð sér.

Reyndu að lækna dóttur sína með bænum