Það þarf sterk bein til að vera þingmaður.

Borgarahreyfingin er afsprengi mótmælaöldu sem gekk yfir þjóðina í lok síðasta árs. Það er ekki mikið mál að kalla á torgum eða þusa á kaffistofum.

En það þarf sterk bein til að vera þingmaður því þar eru málin ekki svart-hvít eins og svo gjarnan vill verða þegar kallað er á torgum og engin er ábyrgðin.

Þennan kaleik hafa þingmenn Borgarhreyfingarinnar nú sopið. Það var beiskur sá drykkur sem reyndist vera í bikar tækifærispólitíkur og poppulisma.

Ég efast um að Þór Saari og Birgitta eiga sér viðreisnar von hvað varðar trúverðugleika...svo hátt var kallað og reitt til höggs. Margrét gæti sloppið því hún svona einhvernvegin bara flaut með.

Þráinn er greinilega sjóaðastur þeirra sem þarna fylla flokk enda vanur Framsóknarmaður af gamla skólanum. Hvar hann endar þennan leik veit maður ekki en frekar á ég von á að hann hverfi á braut og finni sér góðan stól í öðrum þingflokki. Það væri sennilega skárra fyrir hann en sökkva til botns með því brotna fleyi sem Borgarahreyfingin nú er.

Óvissa um samstarfið

Athugasemdir

[Héðinn Björnsson, 20.7.2009 kl. 15:52]

Borgarhreyfingin valdi að reyna að fara fram með fá stefnumál og leyfa sínum fulltrúum að vera ósammála um þau mál sem ekki voru þar. Það sést núna hversu erfið slík stefna er.

[Ágúst J. (IP-tala skráð) 20.7.2009 kl. 15:57]

Hvaða flokkur heldur þú að vilji taka við Þráni ?

[joi (IP-tala skráð) 20.7.2009 kl. 16:39]

Hvað meinarðu eiginlega maður????? Ertu að segja að andstaða þeirra við Icesave og þessa tækifærismennsku stjórnarinnar eigi ekkert skilið við þau mótmæli sem áttu sér stað síðasta vetur?

Ég hygg að Þór Saari hafi aukið fylgi sitt síðustu vikurnar. Hann var á móti Icesave, hann er á móti Icesave.

Hvað sögðu t.d. Steingrímur og Ögmundur um aðildarumsókn ESB fyrir nokkrum mánuðum síðan? Þeir hefðu líklega farið í meiðyrðamál ef einhver hefði hermt upp á þá að þeir myndu samþykkja slíka tillögu.

Sama má segja um Ice-save. VG fékk gott fylgi og ríkisstjórnin meirihluta út á andstöðu VG við mál á borð við Icesave. Það er alveg á hreinu að þeirra fylgi er farið og rúmlega það ætli VG að styðja Icesave. Ekki nóg með að stuðningur hins almenna kjósanda VG sé að hverfa, heldur er fylgið úr innsta kjarna líka farið. Stór hluti þeirra sem voru á lista með formanninum tala um hann sem ómerking og vilja ekki af honum vita.

Þó eru stærstu málin eftir. Það þarf að hamra í gegn stöðugleikasáttmálan, þá þarf Steingrímur greyið að sannfæra umhverfisflokkinn sinn um að það eigi að virkja í neðri Þjórsá. Gangi honum vel með það blessuðum.

Síðan þarf að skera niður um milljarðana fjörtíu eða fimmtíu núna fyrir áramót, til að mæta skilmálum AGS fyrir árið 2009. Þá er nú hætt við að þetta módel um skandinavísku velferðarstjórnina verði farið veg allrar veraldar.

Að auki held ég að fólk sé nú að sjá að öll loforð ríkisstjórnarinnar um aðildarviðræður eru tómt blöff. Svíar verða ekki lengur í forsæti ESB þegar Össur flýgur með Ríkisflugfélaginu til Brussel, heldur Spánverjar. Það eiga ekki að vera neinir hagsmunaaðilar í viðræðunefndinni, og ekki lagaðist gengi krónunnar eða lánstraust Íslands við að sækja um eins og lofað var. Gengið hrundi í dag. Landsvirkjun var synjað um lán til virkjanaframkvæmda, og síðast en ekki síst, þá heyrast af því raddir að Ríkisstjórnin blessuð ætli að liðka fyrir að bankarnir komist í langþráð fjármagn lífeyrissjóðanna, og geti þar með farið að leika sér að sparnaði launþega í landinu t.d. með því að lána Landsvirkjun peninga úr því þeir fengu ekki lán hjá stofnunum sem eru sérhæfðar í að meta arðsemi og áhættu fjárfestinga. Þar fengu menn nei, en þá á að setja lífeyrissjóðina í púkkið. Það eru nú þinir menn sem stýra því batterýi.

Borgarahreyfingin er algerlega óskrifað blað. Það hafa einhverra hluta hvergi birst neinar skoðanakannanir um eitt eða neitt síðustu vikurnar. Af hverju skyldi það vera? Menn fengu þó að vita að tæp 80% þjóðarinnar sem tók afstöðu í Ice-save er á móti því að þeir samningar verði samþykktir. Að sjálfsögðu er samfylking ekki bundin því að hlusta á fólkið. Loforðin um gagnsæji og samræðustjórnmál reyndust öll tómt plat eftir allt saman.  

[Jón Ingi Cæsarsson, 20.7.2009 kl. 17:06]

Þú heldur það joi ? Er það gott veganesti að flögra til og frá eins og strá í vindi ?

Þú ert einn fárra sem reynir að verja þessa uppákomu sem segir sitt. Mér sýnist og heyrist að flestir hafi á þessu neikvæðar skoðanir og líta á þetta sem veikleika m.a. þeirra eigið bakland og sumir þingmenn.

Framsókn Ágúst...það myndi styrkja stöðu þeirra við að halda græna herberginu.

[Jón Ingi Cæsarsson, 20.7.2009 kl. 17:16]

Currency	Buying rate	Selling rate	Mid rate
USD	127.21	127.81	127.51
GBP	207.28	208.28	207.78
CAD	113.76	114.42	114.09
DKK	24.074	24.214	24.144
NOK	19.888	20.006	19.947
SEK	16.251	16.347	16.299
CHF	117.99	118.65	118.32
JPY	1.3549	1.3629	1.3589
XDR	197.46	198.64	198.05
EUR	179.26	180.26	179.76

      

Buying rate	Selling rate	Mid rate
USD	126.4	127	126.7
GBP	208.82	209.84	209.33
CAD	114.56	115.24	114.9
DKK	24.126	24.268	24.197
NOK	19.924	20.042	19.983
SEK	16.327	16.423	16.375
CHF	118.25	118.91	118.58
JPY	1.3358	1.3436	1.3397
XDR	196.91	198.09	197.5
EUR	179.68	180.68	180.

Joi... hrundi gengið... ekki er það að sjá... efra er 17 júli...neðra 20. júlí..