Eitt skref fram veginn. Þjóðin mun ráða.

Þá hefur Aþingi samþykkt að sækja um aðild að ESB. Það er fyrsta skrefið á langri leið og gleðilegt að það skyldi tekið.

Vonandi er þetta upphaf að hreyfingu íslensks þjóðlífs fram veginn. Að segja nei við þessari tillögu hefði verið ávísun á kyrrstöðu og óhreyfanleika.

Nú mun umsókn verða send inn og þegar þeim líkur eftir x-tíma mun væntanlega liggja fyrir drög að samningi við ESB sem þá verður lögð í þjóðaratkvæði og þjóðin fær að velja sér framtíð sjálf.

Sem betur fer voru alþingismenn það þroskaðir á  Alþingi að stjórnmálaflokkarnir tóku ekki það lýðræðislega val af þjóðinni. 

 

Samþykkt að senda inn umsókn

Athugasemdir

[Víðir Benediktsson, 16.7.2009 kl. 14:26]

Jón minn, þú hefur eitthvað misskilið afgreiðslu Alþingis. Tvígang var felld tillaga um að þjóðin fengi að ráða. Þess í stað var ákveðið að efna til skoðanakönnunar að loknum samningum sem á ekki að vera bindandi.  Það er með örðum orðum búið að senda almenningi fingurinn og segja að hann fái engu að ráða um gang mála. Vantar bara öll rök fyrir því hvers vegna þjóðaratkvæðagreiðslan mátti ekki vera bindandi. Sama hugarfar og hjá olíuforstjórunum forðum, "fólk er fífl" Þú ættir að leiðrétta fyrirsögnina þína þar sem stendur að þjóðin fái að ráða. Svo þætti mér vænt að þú færir að svara mér spurningunni um gjaldfrjálsu Vaðlaheiðagöngin og hvar það mál sé statt. Það er að styttast í sveitastjórnarkosningar.

[Hjálmtýr V Heiðdal, 16.7.2009 kl. 14:26]

Góður dagur og bjartur. Tilvalinn til að hefja vegferð til bertri framtíðar.

[Kolbrún Heiða Valbergsdóttir, 16.7.2009 kl. 14:29]

Tek undir með Víði, hvar færð þú það út að þjóðin muni ráða? Held að þú ættir að pússa lesgleraugun

[Jón Ingi Cæsarsson, 16.7.2009 kl. 14:31]

Víðir minn... þetta er lýðræðisleg niðurstaða...meirihlutinn ræður.. alveg sama hvað þú ert pirraður.

Og nú væri ráð að tala jákvætt og uppbyggilega en vera endalaust geðvondur og neikvæður.

Við erum að leggja af stað inn í framtíðna og ætlum að skilja eftir brunaútsölu frjálshyggjunnar sem Framsókn og Sjálfstæðisflokkur innleiddu hér.

Vaðlaheiðargöng... ef þú veist það ekki þá ertu ekki að fylgjast með.

[Jón Ingi Cæsarsson, 16.7.2009 kl. 14:33]

Veit ekki alveg hvort það hefur eitthvað með sjónina hjá þér eða eitthvað annað að gera KOLBRÚN 

en samningur um aðild að ESB verður settur í þjóðaratkvæði... og ef það skilst ekki treysti ég mér ekki til að auka á skilning þinn.

[Kolbrún Heiða Valbergsdóttir, 16.7.2009 kl. 14:33]

Meirihlutinn er sem sagt ekki þjóðin hjá þér, Jón Ingi. Alþingi hafnaði því að þjóðin ætti lokaorðið. Samt hefur þetta verið helsta röksemd kratanna fyrir að allir ættu að aðhyllast aðildarumsókn, þ.e. að þjóðin ráði að lokum. Jóhanna var búin að segja að svo yrði ekki og það stendur greinilega.

[Kolbrún Heiða Valbergsdóttir, 16.7.2009 kl. 14:35]

Settur í þjóðaratkvæði en niðurstaðan ekki bindandi. Sumir þingmenn hafa strax bent á að þeir muni ekki fylgja niðurstöðunni þar sem þeir séu skuldbundir miðað við þetta að fylgja eigin sannfæringu, ekki þjóðinni.

Þú þarft ekki að auka skilning minn neitt. Ég skil þetta nefnilega allt of vel. Því miður.

[Hjálmtýr V Heiðdal, 16.7.2009 kl. 14:38]

Nú ætla menn að hengja sig í það að atkvæðagreiðslan verði ekki bindandi. Það verður gaman að fylgjast með þeim stjórnmálamönnum sem ætla að hundsa niðrustöðu þjóðaratkvæðagreiðslu þótt hún sé ekki bindandi skv. lögum. Það er fleira en lög sem geta bundið þingmenn - þ.á.m. sannfæring þjóðarinnar sem mun koma fram í atkvæðagreiðslu um inngöngu. Það verður kosið um samning sem verður fyrirliggjandi og fer í umræðu.

Þetta verður opið og lýðræðislegt ferli.

[Kolbrún Heiða Valbergsdóttir, 16.7.2009 kl. 14:46]

Hjálmtýr, ég er kjósandi VG (því miður) og þeir hafa algerlega hundsað vilja kjósenda sinna í lykilmálum, eins og ESB. Flokkurinn logar stafnanna á milli og fjöldi manns mun segja sig úr honum á næstunni. Stoppaði það þá? Nei!

Hvers vegna ætti þjóðarviljinn þá að stoppa SF? Og ef almenningur á að ráða hvers vegna samþykktu þeir þá ekki að kosningin yrði bindandi?

[Jón Ingi Cæsarsson, 16.7.2009 kl. 14:48]

Málið er afgreitt með meirihluta Alþingis... vonandi fara menn þá að tala málefnalega og efnislega um málið... á það hefur skort sárlega og sér greinilega merki í commentum hér....

Alþingismenn úr öllum flokkum greiddu því atkvæði. 

Niðurstaða þjóðaratkvæðis verður aldrei sniðgengið... að halda öðru fram er bara svartnættisraus.

[Gísli Baldvinsson (IP-tala skráð) 16.7.2009 kl. 15:28]

Ætli sumir (þing) menn séu ekki að misskilja stjórnarskrána. Eins og hún er í dag þá eru einu bindandi kosningar, utan alþingiskosningar, atkvæðagreiðsla vegna málskots forseta. Kosningar má ekki að öðrum kosti binda enda þingmenn bundnir sannfæringu sinni skv. stj.skr. Heldur verður slíkt ekki leitt í lög eða samþykkt með þingsálýktun. Það er brot á stjórnarskránni, og því tillaga sjáfstæðismanna, marklaus.

[Víðir Benediktsson, 16.7.2009 kl. 16:37]

 Skil ekki hvers vegna ekki mátti setja inn að þjóðaratkvæðagreiðsla væri bindandi. Það er ekkert í lögum sem bannar það Gísli. Varðandi Vaðlaheiðagöngin Jón skal ég viðurkenna að ég hef ekkert verið að fylgjast og vel með en veit þó að það er ekki byrjað á þessum gjaldfrjálsu göngum sem áttu að koma strax (þ.e. fyrir tveimur árum) og þess vegna datt mér í hug að spyrja þig því þú hefur örugglega betri aðgang að þeim sem lofaði þessu en ég. Það væri bara fín að fá að vita í eitt skipti fyrir öll hvort karlinn ætlar að standa við orð sín eða ekki. Varðandi málefnalega umræðu um ESB hef ég ekki séð hana á þessari síðu, heldur hefur umræðan snúist um að þeir sem ekki taka "fagnaðarerindinu" efasemdarlaust  eru ómálefnalegir, einangrunarsinnar og gott ef VG var ekki kallað torfkofa eitthvað áður en þeir fóru í stjórn með SF Svona hefur nú málefnalega umræðan verið. En ég get þó huggað flesta með því að Íslenska þjóðin mun skítfella aðild að ESB svo mikið er víst en eini gallinn á því er sú staðreynd að sú niðurstaða er ekki bindandi því SF treystir ekki fólkinu í landinu til að taka ákvarðanir.

[Þorsteinn Sch Thorsteinsson (IP-tala skráð) 16.7.2009 kl. 19:57]

"..sem þá verður lögð í þjóðaratkvæði og þjóðin fær að velja sér framtíð sjálf..."

Hvað eruð þið að tala um lýðræði hvað eftir annað, búnir að hafna tvöfaldri -lýðræðislegri þjóðaratkvæðagreiðslu og viljið þið bara hafa þessa einu þjóðaratkvæðagreislu sem á bara vera  "ráðgefandi"  og ekki einu sinni bindandi, þar sem ykkar sviksama Samfylking og/eða þessir  ESB- sinnar vilja hafa síðasta orðið.  Þið hérna í þessari Samfylkingum hættið þessu kjaftæði um lýðræði, þar sem þið eruð ekkert fylgjandi lýðræði.  

[Jón Ingi Cæsarsson, 16.7.2009 kl. 20:05]

Alþingi hefur tekið afstöðu í þessu máli .. þannig eru leikreglur lýðræðins... næst skulum við ræða efnisatriði samningsdraga þegar þau koma fram... nú er tilgangslaust að fjasa um það sem liðið er Þorsteinn og Víðir.. tölum saman þegar eitthvað kemur fram efnislega um málið.

Víðir.. þú veist betur ... og veist örugglega í hvaða farvegi þetta hefur verið hjá Greiðri leið... ef ekki þá legg ég til að þú kynnir þér það... ég held að gögnin séu á netinu.

[Víðir Benediktsson, 16.7.2009 kl. 20:55]

Já Jón það er rétt hjá þér að ég veit í hvaða ferli málið er hjá Greiðri leið, en ég veit líka að þar er ekki verið að tala um gjaldfrjálsan pakka eins og Möller lofaði. Þess vegna spurði ég hvort þú vissir til að hann hefði einhver áform um að standa við orð sín?

[Óðinn Þórisson, 16.7.2009 kl. 20:59]

Þorgerður Katrín og Guðfríður Lilja eru klárlega skussar dagsins -

[Jón Ingi Cæsarsson, 16.7.2009 kl. 21:08]

Víðir...eigum við ekki fyrst að landa gerð ganganna áður en við ræðum þessa viljayfirlýsingu frá kosningabaráttunni 2007. Mál eru ekki komin það langt að farið sé að ræða svona hluti...það veistu vel. Með hámarkshraða gætu þessi göng verið klár í fyrsta lagi eftir þrjú ár...eða lengri tíma eftir fjármögnunarmöguleikum.

[Víðir Benediktsson, 16.7.2009 kl. 22:28]

Viljayfirlýsing??????????????? Öllu má nú nafn gefa þegar menn eru komnir með allt á hælana.

[Anna Benkovic Mikaelsdóttir, 16.7.2009 kl. 23:14]

Þjóðaratkvæðagreiðsla um viðræður (sem enda á þjóðaratkvæðagreiðslu) hefði bara tafið mál sem átti að fara í gang fyrir 25 árum!  Samt er ég ekkert hrædd við þjóðaratkvæðagreiðslu um viðræður, því hún hefði farið þannig að samningaviðræður verði að hefja.  Þessari meinloku og þráhyggju verður að ljúka!