Öfgasinnar í VG á móti lýðræði ?

Vinstri grænir tóku þátt í stjórnarmyndun. Þar er því lýst yfir að lögð verði fram tillaga um aðildarviðræður við ESB og niðurstöður þeirra lagðar í þjóðaratkvæði.

Nú telja öfgasinnar í VG að formaður þeirra hafi ekki verið kjörinn á þing til þess að samþykkja slíkt. Merkileg fullyrðing því þingmenn eiga eingöngu að vera bundnir af sannfæringu sinni. Ef til vill eiga þingmenn VG að fara eftir öðrum reglum, þá líklega eru þeir kjörnir á þing til að sinna þörfum flokksins og þeirra sem þar starfa ?

Í stjórnarsáttmálanum er gert ráð fyrir að það verði þjóðin sem skeri úr hvort við förum í ESB. Það er hið sanna og rétta lýðræði. Ef þjóðin samþykkir förum við inn, ef ekki þá gerist það ekki.

En það eiga ekki að vera öfgasinnar og andlýðræðissinnar inni í flokkunum sem stjórni því að þjóðin fái að segja sína skoðun og það hefðu menn átt á skilja eftir það sem undan er gengið. Flokksræðið hefur beðið hnekki.

Hluti baklands VG er farið á taugum. Það var alltaf eitthvað sem maður bjóst við að gæti gerst. Þarna inni er hópur fólks sem er dálítið mikið á gömlu flokkræðislínunni og telja að flokkurinn sé stofnun sem stjórni fólki og skoðunum þess.

Það er erfitt fyrir forustu flokks sem þessa að takast á við erfitt ástand þar sem grípa þarf til erfiðra ákvarðana. Þá er svo hætt við að bakland sem þetta bresti og fari að vinna gegn þeim sem leiða. Það er það sem er að gerast í VG og næstu vikur munu leiða það í ljós hvort núverandi forusta stenst árásir þeirra sem nú eru að fara á taugum.

Steingrímur „ómerkingur orða sinna“

Athugasemdir

[Gísli Baldvinsson (IP-tala skráð) 14.7.2009 kl. 20:11]

Seint áttar VHG sig á "lýðræðinu". Það er ekki hægt að efna til þóðaratkvæðagreiðslu á einni viku. Var þetta ekki kennt hjá frjálslyndum?

[Rafn Gíslason, 14.7.2009 kl. 20:16]

Jón Ingi, það er von að þér svíði yfir því að félagsmenn VG vilji ekki samþiggja að forusta flokksins og þingmenn séu svínbeygð af félögum þínum. Það er löngu komin tími til að stöðva þessa vitleysu, það átti aldrei að fara í samstarf við samfylkinguna á þessum forsendum. Forusta VG gat sagt sér að það yrði aldrei nein samstaða um þessa málsmeðferð hjá grasrótinni hjá VG, það eina rétta væri að slíta samstarfinu við samfylkinguna ef samstarfið veltur á ESB, forusta VG hefði betur hlustað á viðvararnir Atla Gíslasonar meðan á stjórnarmyndun stóð. Ef það eru öfgar af þínu mati að félagsmenn VG hafi skoðun þá segir það allt sem segja þarf um þig, svo einfalt er það.

[Þorsteinn Sch Thorsteinsson (IP-tala skráð) 14.7.2009 kl. 20:26]

 Jón Ingi 

Ert þú(Jón Ingi) að berjast fyrir lýðræði hérna?, Nú er það ekki ok að hafa tvöfalda þjóðatkvæðagreiðslu um ESB, fá umboð þjóðarinnar til að sækja um aðild, og síðan hvor þjóðin vilji þennan samning við ESB, er það ekki lýðræði, þú?

Þá vil ég spyrja ykkur í Samfylkingunni afhverju berjist þið ekki fyrir lýðræði í ykkar Politburo  (eða Framkvæmdarstjórn ESB) þar sem 25 menn eru skipaðir og ekki kosnir, og alls ekki neinar lýðræðislegar kosningar sem haldnar eru um stöðu í Framkvæmdarstjórn ESB, eða hvað þá að þessir menn beri ábyrgð eða hvað þá þeir þurfi að svara fyrir sig. Það sama má segja um þessa menn sem eru ekki kosnir heldur skipaðir í stöður í ESB-Central Bank eða hjá þessum ESB- Dómstólum.

já lítið sem ekkert lýðræði í ESB,  þar sem menn eru EKKI KOSNIR, heldur SKIPAÐIR BAKVIÐ TJÖLDIN, nú og menn í Framkvæmdastjórn ESB þurfa ekki bera neina ábyrgð á neinu. Já þetta ESB ykkar er eins og Fyrrum Sovét  með þessu 80.000 blaðsíðna reglugerðarverki ESB sem líkist Gosplan (EINS OG VAR Í FYRRUM SOVÉT). 

þú hérna Jón Ingi  ættir að lesa þig til um öll þessi leynilegu skjöl og gögn sem hann Vladimir Bukosky komst yfir árið 1992 um einmitt "EUSSR" því þá sérð þú mjög góða samlíkingu á einmitt ESB og fyrrum Sovét
 Jón Ingi  

[Jón Ingi Cæsarsson, 14.7.2009 kl. 20:28]

Forusta VG skrifaði undir þennan stjórnarsáttmála af fúsum og frjálsum vilja Rafn. Ef þú telur að ekki þurfi að standa við þá undirritun þá segir það margt um þig og þínar skoðanir.

[Jón Ingi Cæsarsson, 14.7.2009 kl. 20:38]

Þorsteinn minn... við erum aðeins að tala um aðildarviðræður og leyfa síðan þjóðinni að ráða.... mér sýnist að þú sért alfarið á móti því.

Það er ekki lýðræðishugsun af þinni hálfu heldur forsjárhyggja og andlýðræðisleg hugsun sama og þú kennir við ESB.

[joi (IP-tala skráð) 14.7.2009 kl. 20:39]

Hver var ályktun landsfundar VG rétt fyrir kosningar varðandi ESB? Hún var sú að ekki skyldi sækja um aðild að ESB. Það stendur eins skýrum stöfum og það getur orðið.

Hvert var svo kosningaloforð VG í síðustu kosningum varðandi ESB málið? Að sækja ekki um aðild.

Í stjórnarsáttmála VG og SF var talað um að setja málið á dagskrá. Þar stendur hvergi stafur á bók um að sækja um aðildarviðræður fyrir 27. júlí 2009. Þar stendur ekki einu sinni að það eigi að sækja um aðildarviðræður. Það er hvergi nefnt. Þú hlýtur að vera svona treggáfaður maður, eða bara illa læs ef þú getur ekki stautað þig fram úr þessu.

Það vissu allir að valdafíkn Samfylkingarinnar væri með slíkum ósköpum að þar á bæ væru menn tilbúnir að samþykkja að fara aftur í ríkisstjórn með flokki sem hefði ekki á nokkurn hátt sömu skoðanir eða viðhorf til málefni líðandi stundar í helstu málum þjóðarinnar. Þegar þessi stjórn var mynduð vissu allir sem eitthvað vit hafa á málum að ríkisstjórn VG og SF var andvana fædd.

Sérstaklega þegar haft er í huga vinnubrögð Samfylkingar gagnvart samstarfsflokki sínum í síðustu ríkisstjórn, þar sem sá fáheyrði atburður átti sér stað að Samfylking reyndi að stýra hvað samþykktir yrðu gerðar á landsfundi samstarfsflokksins með því að segja ef Sjálfstæðisflokkurinn myndi ekki samþykkja á landsfundi flokksins síðasta haust að setja inn í samþykkt landsfundar að sækja um aðild að ESB, þá myndi samfylking áskilja sér rétt á að slíta stjórnarsamstarfinu.

Þetta var algerlega þvert á það sem hafði verið samið um í stjórnarsáttmálanum.

Sjálfstæðisflokkurinn lét ekki þessi brjálæðinga í samfylkingunni teyma sig svona.

Það gera hins vegar stór hluti þingmanna VG. Það kemur ekki svo mjög á óvart, enda hafa menn á borð við Árna þór verið lítið annað en hækja undir Samfylkingunni í mörg mörg ár gegnum R-listann í borgarmálunum. Afstaða hans kemur engum á óvart. Maður er reyndar hissa á að hann skuli ekki bara  ganga í Samfylkinguna.

Hins vegar eru margir orðnir hissa á Steingrími J. Sigfússyni. Hann hefur snúist upp í andhverfu sína og er orðinn að risastóru monsteri í eigin flokk. Hann virðist búinn að samþykkja virkjun í neðri hluta þjórsár. Hann er orðinn fráhverfur fyrningarleið í kvótamálum. Vöxtum er haldið himinháum, þrátt fyrir fróm orð Steingríms lækka þeir ekki neitt. Hann er orðinn evrópusinni. hann er orðinn samþykkur Ice-save samning, sem hann barðist gegn með kjafti og klóm fyrir minna en hálfu ári síðan. Maður yrði ekki meira hissa þó hann myndi bjóða Bandaríkjaher aðstöðuna á miðnesheiði aftur, upp á meðgjöf.

Flokkssystkin formannsins eru orðin þreytt. Þjóðin er orðin þreytt. Fylgið tætist af ríkisstjorninni. 10% fylgishrun á mánuði er útreið miðað við að ekkert af óvinsælum ákvörðunum hafi enn verið hrint í framkvæmt. Þegar búið verður að kjósa um Icesave og ESB, þá fer niðurskurðarhnífurinn á loft. Þá eru dagar þessarar ríkisstjórnar loksins taldir.

Hvað gerist þá er ekki gott að segja. Líklega skipta vinstri flokkarnir aftur um nafn. Það er þeirra háttur þegar þeir gjalda afhroð að koma aftur inn í slaginn sem úlfar í sauðagæru. Alþýðubandalag sem VG. Alþýðuflokkur sem Samfylking o.s.frv. Menn eru farnir að þekkja þetta.

Á meðan þessi hrunadans á sér stað blæðir alþýðunni út. Vildarvinir samfylkingar, útrásarvíkingarnir eru smátt og smátt að ná saman sínum vopnum. Þeir eru að hirða úr þrotabúum sinna gömlu fyrirtækja bestu bitana með góðfúslegu leyfir vinstri stjórnarinnar.

Svo getur þú komið hér dag eftir dag Jon Ingi og talað eins og heilinn á þér starfi.

Ég get fullyrt að það sem þú gerir með heilanum á þér, getur api gert með banana.

[Jóhannes Ragnarsson, 14.7.2009 kl. 20:43]

VG samþykkti að hjálpa Samfylkingunni að koma ESB-málinu inná Alþingi en ekki að samþykkja aðildarumsókn.Enn á ný ætlar að sannast hið fornkveðna: Það er ekki hægt að treysta krötum, það veit enginnhvar hann hefur þá. Það gerir krataeðlið.

[Jón Ingi Cæsarsson, 14.7.2009 kl. 20:44]

Á bls. 16 í samstarfssamningi þessarar stjórnar segir:

Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í þjóðaratkvæðagreiðslu að loknum aðildarviðræðum. Utanríkisráðherra mun leggja fram á Alþingi tillögu um aðildarumsókn að Evrópusambandinu á vorþingi.

Er þetta óskýrt joi?

[Rafn Gíslason, 14.7.2009 kl. 20:49]

Var ekki eining talað um stjórnarsáttmálanum að VG áskildi sér þann rétt að vera á móti málinu þegar það kæmi fyrir þingið. Þó að forusta VG hafi gert þennan samning við samfylkinguna þá get ég fullyrt að það var ekki gert með fullum vilja flokksmanna eins og þú veist vel. Vg hefur aldrei lofað samfylkingunni að sjá til þess að þetta mál færi í gegn um þingið, að halda því fram er fyrra. Sé það einlægur vilji þinn að við förum í viðræður við ESB þá langar mig að vita þar sem þér er títt talað um lýðræði af hverju samfylkingin og væntanlega þú ert á móti því að þjóðin ákveði það sjálf hvort viðræður skuli hefjast eða ekki.

[Gísli Baldvinsson (IP-tala skráð) 14.7.2009 kl. 20:59]

Rafn: NEI, enginn áskilinn réttur, nei. Ég fer að efast um lesskilning manna. Hér er klárt að Vg samþykkti þinglega meðferð ESB málsins, án fyrirvara. Eru menn að fara á taugum? Hversu djúpt hafa menn grafið sig í pólitískar skotgrafir?

[Hjörtur J. Guðmundsson, 14.7.2009 kl. 21:01]

Eru menn nú orðnir öfgasinnar sem vilja að stjórnmálamenn standi við yfirlýsingar og loforð fyrir kosningar? Jæja...

[Hjörtur J. Guðmundsson, 14.7.2009 kl. 21:03]

Þingmenn VG eru ekki bundnir að því að hjálpa Samfylkingunni að koma umsókn um inngöngu í Evrópusambandið í gegnum þingið.

[Jón Ingi Cæsarsson, 14.7.2009 kl. 21:06]

Enda fer þessi tillaga í gegn á meirihluta eins og gefur að skilja. Það sem baklandið í VG treysti á að tillagan hefði ekki meirihluta á þingi og gleymdu að gera ráð fyrir að þetta mál er ekki flokkspólitískt og því eru margir þingmenn stjórnarandstöðu sem hafa lýst við það stuðningi.

[Rafn Gíslason, 14.7.2009 kl. 21:20]

Mér er kunnugt hvernig þessu var háttað þar sem ég hef starfað náið með Atla Gíslasyni. Hann og fleiri þingmenn léttu bóka andstöðu sína við gerðir forustunnar í samningaviðræðum við samfylkinguna, það hefur því verið ljóst allt frá upphafi að hluti þingmanna VG var þessari eftirgjöf ósammála og sama gildir um félagsmenn VG. En það er einkennilegt að fylgismenn Samfylkiyngingarinnar skuli kalla þá sem eru þeim ekki sammála öfgasinna, er það að vera málefnalegur eða lýðræðislegur í hugsun? getið þið ekki unnt öðrum að hafa aðra skoðun á málefnum. Ég tel að allt tal ykkar um skort á lýðræði hjá öðrum flokkum komi úr hörðustu átt.

[joi (IP-tala skráð) 14.7.2009 kl. 21:22]

Týpískt sjónarspil samfylkingarmanns. Slítur einhverja setningu úr samhengi í stóru skjali. Ef þú hefðir haldið áfram að lesa stjórnarsáttmálann Jón Ingi, þá hefðir þú líka lesið:

"Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna"

Það er nú varla hægt að segja að það sé mikið samráð á vettvangi alþingis um málið þegar amk helmingur þingflokks annars stjórnarflokksins ætlar annað hvort að setja sig upp á móti tillögunni eða þá að sitja hjá? Líklega yrðu fleiri á þessari skoðun ef ekki væri verið að stilla einstökum þingmönnum upp við vegg.

Ennfremur segir í þessum blessaða stjórnarsáttmála:

"Flokkarnir eru sammála um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings"

Myndir þú segja að Samfylking væri að sýna einstökum þingmönnum samstarfsflokks mikla virðingu með alls kyns hótunum?

Annars er gaman að þú skulir tala um vorþing. Því fer nú senn að ljúka. Brýnustu vandamál þjóðarinnar eru ekki hvort svíar fari með forystu í ESB eða ekki og hvort okkur liggi þar með svo mikið á að koma þessu ESB máli í gegn, heldur eru það innanríkismálin sem skipta öllu máli. Í sáttmálanum segir:

"Frumvarp um eignaumsýslufélag verður lagt fyrir Alþingi að nýju á vorþingi. Ríkisstjórnin mun jafnframt beita sér fyrir því að ríkisbankarnir móti samræmda áætlun um hvernig brugðist verði við skuldavanda fyrirtækja."

Það eina sem bólar á varðandi skuldavanda fyrirtækja er að vildarvinir samfylkingar virðast geta krukkað í gömlu gjaldþrota fyrirtækin sín og hirt úr þeim bestu molana, en skilið skuldir upp á milljarða hundruði sem þeir stofnuðu til eftir hjá ríkinu og þar með íslenskri alþýðu. Afleiðingin verður skert þjónusta hjá gömlu stuðningsfólki vinstri flokkanna. Öryrkjum, öldruðum og þeim sem minna mega sín. Það verða á endanum þeir sem þurfa að blæða. Forseti þjóðarinnar ÓLafur Ragnar Grímsson gaf fyrir sitt leiti grænt ljós á þetta og hengdi alls kyns medalíur í þetta lið. Meira segja samfylkingin þurfti að boða til skyndifundar í Borgarnesi til að verja þetta fólk. Að auki hefur samfylking haldið úti alls kyns málaliðum á borð við Hallgrím Helga. og fleiri til að halda uppi vörnum.

Það er grátlegt að sjá og heyra til þess að gamli alþýðuflokkurinn skuli vera kominn í þessa stöðu.

[Gísli Baldvinsson (IP-tala skráð) 14.7.2009 kl. 21:28]

Ég starfaði, líkt og JIC náið með forystufólki SF, og enginn slíkur fyrirvari, Rafn, kom fram. Aldrei. Gaman að sjá Hjört J. spretta hér fram. Eitt að lokum: Samfylkingin, Alþýðuflokkur, heiti allra flokka er stafað með stórum staf.

[Jón Ingi Cæsarsson, 14.7.2009 kl. 21:36]

Þetta mál er í lýðræðislegum farvegi. Það fer líklega í gegnum þingið með stuðningi ýmissa úr ýmsum áttum. Að loknum aðildarviðræðum fer málið í þjóðaratkvæði og þar fæst hin niðurstaða sem byggir á lýðræði og opninni meðferð málsins.

Þetta mál á ekki að loka inni í flokkum, inni á þingi eða í skotgröfum. Þarna á þjóðin að fá að segja sitt um fyrirliggjandi aðildarsaming og þeir sem mæla gegn því eru að reyna að deyða mál á ólýðræðislegan hátt.

[Rafn Gíslason, 14.7.2009 kl. 21:45]

Jón Ingi. Er það ólíðræðislegt að leifa þjóðinni að taka ákvörðun um hvort farið verður í viðræður?

Gísli.  Þessi bókun sem ég nefndi fór fram innan félags í VG ekki í viðræðunum sjálfum. Þar gerðu þingmennirnir forustunni grein fyrr andstöðu sinni í málinu. 

[Víðir Benediktsson, 14.7.2009 kl. 22:18]

Lýðræði Samfylkingarinnar er mjög sérstakt. Þó 75% hafi svarað því í skoðanakönnun að þau vilji tvöfalda atkvæðagreiðslu finnst Samfylkingunni ekki ástæða til að hlusta á þetta fólk. Skilningur Samfylkingar á lýðræði er sá að eftir að fulltrúi hefur verið kjörinn þarf hann ekki lengur að hlusta á raddir fólksins og getur sent því fingur að vild. Ekki langt síðan ég sá skrifað á þessa síðu að fólk kýs sér fulltrúa til að taka ákvarðanir og það voru notuð sem rök gegn því að þurfa ekki að hlusta á þær raddir sem vilja að kosið verði um hvort farið verður í aðildarviðræður eður ei.

[Víðir Benediktsson, 14.7.2009 kl. 23:29]

Hvað er annars að frétta aaf fyrningaleiðinni í sjávarútvegi og hvar er það mál statt? Var ekki eitthvað hripað niður á blað um það í stjórnarsáttmálanum? Minnir að það hafa átt að innkalla allar aflaheimildir á 20 árum. Þetta mál heyrist bara ekki rætt.

[Sævar Einarsson, 15.7.2009 kl. 00:10]

"Þið eruð ekki þjóðin" kannski Samfylkingin sé öll þjóðin ?  ...

[Þorsteinn Sch Thorsteinsson (IP-tala skráð) 15.7.2009 kl. 01:23]

Jón Ingi

Ég vil fá lýðræðislega þjóðaratkvæðaafgreiðslu um það hvort þjóðin vilji nokkuð sækja um aðild að þessu ólýðræðislega ESB Social Dictatorship bákni.   

Þið hjá Samfylkingunni og/eða +Steingrímur J. og co hafið alls ekki neitt lýðræðislegt umboð þjóðarinnar til að sækja um aðildin að ESB, þar sem VG hafa algjörlega svikið kjósendur að undanskildum honum Ásmundi Einari, Atla Gíslasyni og einhverjum öðrum svo vitað sé úr VG.     

Eins og kemur fram hjá honum Jóni hér varðandi landsfundar VG:  ".. að ekki skyldi sækja um aðild að ESB.  Það stendur eins skýrum stöfum og það getur orðið." og svo kosningaloforð VG í síðustu kosningum "Að sækja ekki um aðild." 

Eins og allt er í dag þá eru VG.  að missa allt fylgi, menn tala um að VG séu klofnir, og svo tala menn um kosningarsvik aftur og aftur. Nú ofan á allt er Steigrímur J sagður vera Ragnar Reykás númer 2 eða algjör umskiptingur.

Hvernig er það er ykkar Social Dictatorship (eða þessi Samfylkingin) eitthvað á móti lýðræðislegum þjóðaratkvæðaafgreiðslu, um það hvort þjóðin eigi að sækja um aðild eða ekki? Er þessi Samfylking ykkar svona ólýðræðisleg eða eins og þetta ólýðræðislega ESB -bákn???  Eða hvað er það sem þið (hjá þessari Samfylkingu) eruð svona hræddir við varðandi "lýðræðislega þjóðaratkvæðaafgreiðslu um það hvort þjóðin eigi að sækja um aðild eða ekki", þú hérna Jón Ingi????

[Hilmar H (IP-tala skráð) 15.7.2009 kl. 14:19]

Hmm... Ég er ekki VG og þaðan af síður öfgamaður. Taldist víst hósamur miðjumaður áður en hrunið varð... erfitt að segja hvar maður er í litrófinu eftir þær hörmungar.

En, burtséð frá mínum pólitísku skoðunum, þá finnst mér það eðlileg krafa að fólk sem kaus VG eigi þá sjálfsögðu kröfu að flokkurinn standi við þau ákveðnu og skýru loforð sem hann gaf FYRIR kosningar. Ég tel mig vita að góður árangur VG í kosningunum var hluta að til vegna andstöðu við ESB. 

Pistlahöfundur gerir sér mikið mat úr því að VG skrifaði undir stjórnarsáttmála með einhverjum loforðum um eitthvað, og telur það fullkomna réttlætingu fyrir sinnaskiptum eftir kosningar. Ég held að þeim sviknu finnist þeir jafn sviknir af stjórnarsáttmálanum og þjónkun VG við ESB drauma Samfylkingar þessa dagana.

Það er dálítið skondið að kalla þá sem vilja að staðið sé við loforð öfgamenn. Sannast sagna þá vona ég að ef sá stimpill stenst, að sem flestir Íslendingar séu öfgamenn. Ég er allavega öfgamaður skv þessari skilgreiningu.

Hitt er, að ég er farinn að skilja af hverju Samfylkingin felur allar þær skýrslur sem hún mögulega getur. Það auðveldar auðvitað Samfylkingunni að ná fram öfgalausri samstöðu um sín hugðarefni. Sannleikurinn sem földu skýrslurnar geyma eru auðvitað vatn á myllu öfgamanna og trufla þessa sjálfsögðu og öfgalausu kröfu um að allir komist að niðurstöðu sem er Samfylkingu þóknanleg. Öfgaskoðanir þeirra sem vilja að þjóðin fái að segja sitt á auðvitað að bæla niður, og að sjálfsögðu skal ráðist að þeim persónum sem vilja að menn standi við loforð sín, með öfgalausum aðdróttunum.