Jafn margar skoðanir og þeir sem tjá sig.

Ég verð að viðurkenna að ég er hættur að hlusta á þessa sjálfskipuðu sérfræðinga í Icesave. Sumir telja þetta eins góðan samining og eins góðan og mögulegt var að ná. Aðrir, þar á meðal Ragnar Hall finna honum allt til foráttu, tala um mistök og fleira.

Það verður að klára þetta mál og ég held að fleiri séu sammála um það en þeir sem mæla því gegn. Málflutingur þingamanna stjórnarandstöðunnar er holur og virðist fyrst og fremst miðast að því að drepa málum á dreif og gera þau grunsamleg. Sem sagt flokkspólitíkur málflutningur. Engar lausnir í boði...bara að vera á móti og færa mál á byrjunarreit á ný með þeim skaða sem því fylgdi. Ábyrgðarleysi á hástigi.

Ríkisstjórnin er að keyra mál áfram og þeir stjórnarandstöðuþingmenn sem hátt hafa grátið og talið að ekkert væri verið að gera skæla nú yfir að allt of hratt sé farið.

Gera þeir sér enga grein fyrir hvað þeir sögðu í gær..... þeir lifa bara í neikvæðu "núi" sem gengur út að bera fram úrtölur og hræðsluáróður. Það er leitt því nú þurfa stjórnmálamenn að endurheimta það traust sem glataðist í fyrra og það sem við sjáum á þingi þessa dagana er svo sannarlega ekki líklegt til að það traust endurheimtist.

Mistök í Icesave-samningnum?