Þegar græðgin glepur.

" Samkvæmt starfslokasamningnum átti Baldur að fá greiddar 50 þúsund evrur á mánuði eða 1.200 þúsund evrur. Það svarar til 213,3 milljóna króna miðað við gengi evrunnar í dag. Þegar samningurinn var gerður voru mánaðalaun Baldurs 3,5 milljónir króna."

Sýnishorn af því hvað menn voru orðnir blindir af glórulausri græðgi og fyrirhyggjuleysi. Eimskip, óskabarn þjóðarinnar sem það var löngum kallað varð fórnarlamb þeirra stórkostlega blindu einstaklinga sem töldu sér alla vegi færa.

Nú hefur komið í ljós að þessir menn kunnu ekkert fyrir sér í rekstri og byggðu velgengni sína á ótakmörkuðum aðgangi að lánsfé. Að ætla síðan að sækja ofurlaun árum saman í fyrirtækið sem var slátrað lýsir blindunni hvað best.

En nú er þetta liðið... held ég en það veldur manni samt verulegum áhyggjum hinn eindregnir svindl og brotavilji sem við höfum séð í ýmsum málum. Gjaldeyrisbrask, svört vinna, kvótasvind, sjálftaka úr atvinnuleysistryggingasjóði með svindli... og fleira.

Það tekur tíma að koma siðgæðisvitund á rétt ról hér á landi þar sem allt mátti og eftirliti var ábótavant en það kemur. Mikill meirihluti þjóðarinnar er heiðarlegt fólk sem ekki má vamm sitt vita og því svíður hvað hinum hefur tekist að skaða mikið.

Eimskip sýknað af kröfu Baldurs

Athugasemdir

[Emil Örn Kristjánsson, 3.7.2009 kl. 15:18]

Veiztu, Jón Ingi, ég er svei mér þá ekki viss um að hér hafi brotavilji verið fyrir hendi. Miklu frekar ótrúleg siðblinda og skortur á sómatilfinningu. Svona fólki er ekki sjálfrátt og það er þjóðfélaginu hálfu hættulegra þegar svona menn gera sér ekki einu sinni grein fyrir því að þeir séu að gera eitthvað rangt eða séu að misbjóða réttlætiskennd almennings.

Ekki að sé að fullyrða að svona sé í pottinn búið, ég einfaldlega óttast að svo sé.

[Jón Ingi Cæsarsson, 3.7.2009 kl. 15:25]

Já.. sennilega er það rétt bara... en sorglegt samt