Fylgjandi kvótkerfinu og vinur LÍÚ ?

Merkileg staða í ríkisstjórn. Hún hefur lýst sig fylgjandi að endurskoða sjávarútvegsmálin og sérstaklega kvótkerfið og veiðiúthlutanir. Þar hefur fyrningarleiðin verið sett á blað.

En nú situr í stóli sjávarútvegsráðherra Jón Bjarnason Vinstri grænn sem þekktur er af sérkennilegum skoðunum í ýmsum málum. En í málefnum fiskveiða virðst sem skoðanir hans falli sem flís við rass að skoðunum stórútgerðanna og er það merkilegt í ljósi stöðunnnar.

Í dv.is er eftirfarandi texti sem dregur þessa stöðu nokkuð vel saman.

" Þrátt fyrir að LÍÚ-forkólfum og mörgum útgerðarmönnum lítist bölvanlega á fyrningarleiðina sem stjórnvöld hafa boðað geta þau huggað sig við að eiga skoðanabróður í sumum málum í hlutverki sjávarútvegs- og landbúnaðarráðherra.

Jón Bjarnason hefur lýst sig andvígan aðildarumsókn að ESB, sem hefur verið eitur í beinum LÍÚ, auk þess sem hann hefur sagt að ekki verði ráðist í breytingar á fiskveiðistjórnuninni nema í sátt við þá sem eiga hagsmuna að gæta í greininni."

Það er hentugt að eiga skoðanabróður í þessu ráðuneyti ef verja þarf sértæka hagmuni stórútgerðanna. Ekki veit ég hvort menn verða bara svona þegar þeir setjast í þennan stól til að gera sér lífið auveldara eða hvort þeir sjá LÍÚ - ljósið ? Á því átta ég mig ekki alveg en man samt ekki eftir því að Jón Bjarnason hafi talað á þessum nótum áður hvað varðar fiskveiðistjórnunina...en þetta með ESB var ljóst því Jón Bjarnason er einn eindrægnasti einangrunarsinninn á þingi.

Athugasemdir

[Víðir Benediktsson, 28.6.2009 kl. 14:27]

Er nema von að þú sért hissa. Ingibjörg Sólrún henti fyrningarleiðinni fyrir björg eftir að hafa verið heiðursgestur á aðalfundi LÍÚ og lýsti því hátíðlega yfir að engar breytingar yrðu gerðar á stjórn fiskveiða í náinni framtíð. LÍÚ á víða skoðanbræður og systur.

[Jón Ingi Cæsarsson, 28.6.2009 kl. 23:14]

Víðir... þú kannski tókst ekki eftir því... en það kom ný ríkisstjórn, nýr stjórnarsáttmáli og Ingibjörg er hætt. Fyrningarleiðin var ekki á dagskrá í ríkissstjórn Geirs Haarde svo ég muni.

[Víðir Benediktsson, 28.6.2009 kl. 23:20]

Minnir að fyrningaleiðin hafi áður verið nefnd hjá Samfylkingunni en gleymst jafnharðan. Samfylkingin er sú sama þó Ingibjörg sé hætt.