Umhverfisdagur í Hrísey.

 

Fyrsti formlegi umhverfisdagurinn var haldinn í Hrísey í dag. Veður var hið besta þó töluverður þokuruðningur hafi verið. Það var sól til landsins en fjallasýn vantaði stundum. Góður hópur fólks mætti í vagnferð, gróðursetningu og fræðsluferð með Þorsteini Þorsteinssyni. Grillaðar voru pylsur og þar áttu hátt í 70 manns góða stund í glampandi sólskini og blíðu. Einnig var komið við við í hákarlasafninu sem er hið glæsilegasta í elsta húsi eyjarinnar, húsi Hákarla-Jörundar sem byggt var 1886.

Stefnt er að því að umhverfisnefnd geri þetta að árlegum viðburði og samvinna við ferðamálamenn í Hrísey gerir þetta að skemmtilegri tilbreytingu fyrir heimamenn og gesti.

Hér að neðan eru nokkar myndir frá deginum.