Andlýðræðisleg umræða hjá VG.

Esb málið er eitt heitasta mál dagsins í dag. Mikill meirihluti þjóðarinnar vill hefja aðildarviðræður og sjá hvað út úr þeim kemur. Ef það er eitthvað sem menn telja að það sé ásættanlegur samningur verður hann settur í þjóðaratvæði. Það er hið fullkomna lýðræði og íslenska þjóðin kallar eftir því að fá að hafa bein áhrif á framtíð sína.

Mér finnst það áhyggjuefni að VG skuli enn vera við það heygarðshornið að loka á þann möguleika að þjóðin fái að segja sitt. Margir VG liðar vilja koma í veg fyrir það og skora á þingmenn sína að loka á að þjóðin fái að segja sitt og það á flokkspólitískum forsendum.

Nú reynir á hvor VG er lokaður miðstýrður flokkur sem tekur ákvarðanir í þröngum hópi eða hvort þeir eru það lýðræðislega sinnaðir að þeir láti mál sem þetta fara í þjóðaratkvæði.

Ég hef áhyggjur af málflutningi sem sjá má í þessari frétt þar sem svæðisfélag skorar á þingmenn VG að loka á hið sanna lýðræði og leyfa þjóðinni að segja sitt. Þetta er forpokað og lýsir vanvirðu á rétt þjóðarinnar að hafa aðkomu í þessu risastóra máli.

Þingflokkur VG hvattur til að beita sér gegn aðildarviðræðum

Athugasemdir

[Jóhannes Guðnason, 14.6.2009 kl. 19:41]

Ekki er ég nú viss um að meirihluti þjóðarinnar vilji ganga í ESB,Jón Ingi ,enda taka nú fáir mark á þessari einu pöntun sem þú vísar á,ég er reyndar hissa á þér Jón Ingi gamall félagi,að þú skulir styðja inngöngu í ESB,og fórna öllum okkar auðlindum,???ég vona allavega að þú viljir fyrst skoða kosti og galla þess og hvað er í þessum pakka,Jón minn,?? Eins og allir vita er krónan ónýtt,en það er hægt að taka dollar eða aðra mynt upp,við þurfum ekki að gefa landið okkur og ganga í ESB. En eitt er rétt hjá þér,af hverju vill VG ekki leifa þjóðinni að kjósa,???eða er Steingrímur fyrir einræði.??? spyr sá sem ekki veit.Bið að heils norður Jón minn,heyrumst. kær kveðja. konungur þjóðveganna.

[Jón Steinar Ragnarsson, 14.6.2009 kl. 19:49]

58% er ekki mikill meirihluti. Þetta hlutfall er misjafnt milli skoðanakannanna og hefur verið akkúrat á hinn veginn fyrir ekki svo löngu. Aðeins um 20% telja að þetta sé forgangsmál. 80% vill að þetta fólk fari að sinna því sem aðkallandi er til bjargar landinu og að menn hætti að eyða tíma og orku í að ræða einhverja framtíðarmússík, sem er ekkert annað en veruleikaflótti. Ef kosið væri um inngöngu nú, myndi þjóðin hafna því og það með miklum meirihluta.

[Jón Ingi Cæsarsson, 14.6.2009 kl. 19:51]

Ég styð aðildarviðræður... og tek síðan afstöðu í þjóðaratkvæði hvort ég styð það sem þar liggur fyrir...

Ég hafna ómálefnalegum upphrópunum um eitthvað sem enginn veit hvað er.

Við erum 80% í ESB í gegnum EES en höfum þar engin áhrif.

[Óðinn Þórisson, 14.6.2009 kl. 21:04]

Það er auðvelt að taka undir þessa ályktun enda var niðurstaða landsfundar VG afar skýr, hagsmunum okkar Íslendinga er best borið utan við ESB. 
Ég spyr voru þingmenn VG EKKI á landsfundi flokksins ?

[Héðinn Björnsson, 14.6.2009 kl. 21:27]

Ef það væri í boði að fara í aðildarviðræður án þess að sækja um aðild fyrst væri ég alveg til í það. En meðan það er forsenda að fyrir umræðunum að við verðum að byrja á því að lýsa yfir ásetningi um að ganga í bandalagið og fara strax að aðlaga okkur að lögum og reglum frá fyrsta degi aðildarviðræðna tel ég ekki heiðarlegt að láta eins og það sé bara hægt að fara í aðildarviðræður og sjá hvað fæst. Slíkar samningarviðræður eru ekki í boði.

[Víðir Benediktsson, 14.6.2009 kl. 22:17]

Hvar hefur sá verið sem veit ekki hvað aðild að ESB þýðir. Þetta er enginn leyniregla og forkólfarnir þar hafa ekkert legið á því hvað sé í boði. Þessi 80% sem talað er um var nóg til að koma þjóðinni á hausinn en það er svo sem hægt að láta kné fylgja kviði með því að vera 100% Hver kærir sig um það?

[Jón Ingi Cæsarsson, 14.6.2009 kl. 23:29]

Víðir.. þetta er ekkert sérstaklega upplýst umræða hjá þér með fullri virðingu félagi.

[Jón Ingi Cæsarsson, 14.6.2009 kl. 23:31]

Jón Steinar....  58% er dágóður meirihluti því  andvígir aðildarviðræðum eru 26,4 prósent en 15,7 prósent eru óákveðin.

[Vilhjálmur Árnason, 15.6.2009 kl. 03:00]

Sorglega margir hafa verið gabbaðir í þessa vegferð væntinga um betra líf í efnahagslegu og pólitísku, hernaðarlega bandalagi.