Naustaborgir og Hundatjörn.

 

 

 

Endurheimt Hundatjarnar í Naustaborgum stendur nú sem hæst. Búið er að styrkja fyrirstöður en áður var búið að loka skurðum sem grafnir hafa verið í tímans rás til að þurrka landið. Nú ætlum við að endurheimta votlendið og tjörnina sem gæðir þetta svæði miklu lífi og eykur fjölbreytni fuglalífs á svæðinu. Við brotthvarf raflína verður verkið fullkomnað.

Árið 2007 var þarna reist fuglaskoðunarhús og er það eitt fjögurra slíkra sem umhverfisnefnd og umhverfisdeild ákváðu að koma upp. Hin þrjú eru í Óshólmum Eyjafjarðarár, Hrísey og Krossanesborgum.

Endurheimt Hundatjarnar er eitt þriggja verkefna sem Akureyri lagði inn í verkefnið Countdown 2010 sem er samnorrænt og Evrópskt verkefni sem miðar að því að endurheimta líffræðilegan fjölbreytileika í sveitarfélögunum. Auk þessa verkefnis er bárátta við kerfil, hvönn og lúpínu í Hrísey og landmótun og endurheimt landgæða á Glerárdal. Bæði verkefnin eru í fullum gangi og nú stendur yfir landmótun og vegalagning á austan Glerár þar sem aðkomu að bílastæðum vegna útvistar á dalnum verður breytt og land grætt upp. Lokahnykkur þessa verkefnis verður síðan þegar jarðgerð og sorphaugar hverfa af dalnum á næstu einu til tveimur árum.

          

          

 

Athugasemdir

[Víðir Benediktsson, 1.6.2009 kl. 00:22]

Nú erum við að tala saman.