Barbabrella ??

Ég er ekki mikill hagfræðingur þegar kemur að hinum flóknari hlutum þeirrar greinar. Þó finnst mér að umræða um handvirkar lausnir einhvernveginn í barbabrellustíl sem séu svona í ætt við að pissa í skó sinn.

Í gamla daga var það vinsælt efnahagsúrræði að fella gengið handvirkt. Stundum um tugi prósenta. Það voru svona handvirkar barbabrellur sem skiluðu augnabliksávinningi en engu til lengri tíma. Voru jafnvel til stórtjóns.  Ég er svolítið hræddur um að svona aðgerð sé svipaðs eðlis.

Allir sem vilja viðurkenna það vita að krónan er búin að vera. Við verðum ekki með íslenska krónu lengur en þarf. Hún mun alltaf verða okkur fjötur um fót, sama hvað þjóðernissinnar í stjórnmálunum segja. Við verðum að hefja aðgerðir strax sem miða að því að gjaldmiðill Íslands verði evra. Annað er óraunhæft og utan sjónmáls.

Þangað til verðum við víst að sitja í þessari súpu. Hvort menn þora svo að bragðbæta þessa súpu með skammtímalausnum og barbabrellum er síðan önnur saga og þarf verða að vera með í ráðum menn sem hafa vit á því sem þeir eru að gera. Þetta er ekki flokkspólitískt mál, þetta er ekki mál verkalýðshreyfingarinnar, þetta er mál hæfustu sérfræðinga sem hafa vit á því sem þarna verður gert til að það leiði ekki til skaða þegar upp verður staðið.

Ekki raunhæft að festa gengið

Athugasemdir

[Kristján P. Gudmundsson, 27.5.2009 kl. 11:30]

Jón Ingi, hvar hefur þú alið manninn að undanförnu ? Flestir eru sammála um (jafnvel sannir EU-sinnar), að EVRAN (ofmetnasta mynt í heiminum) sé fyrst í sjónmáli eftir 8-10 ár ! Ætlar þú að taka Evruna upp í trássi við Brussel-auðvaldið ? Mér þykir þú svalur kall !

Með kveðju frá Siglufirði, KPG.

[Loftur Altice Þorsteinsson, 27.5.2009 kl. 14:08]

Að hluta til ert þú með réttan skilning Jón Ingi. Seðlabankinn er verkfæri "torgreindrar peningastefnu (discretionary monetary policy) og hann gefur út sýndar-pening (fiat money). Barbabrellur seðlabankanna er ég vanur að nefna hókus-pókus og niðurstaðan er alltaf gengisfall og verðbólga.

Lausn okkar er ekki fólgin í Evrunni, sem er bara annar sýndar-peningurinn, þótt myntsvæði hans sé stærra og hugsanlega stöðugra en Krónunnar. Okkar lausn er fólgin í "fastgengi undir stjórn Myntráðs", sem gefur okkur 100% stöðugleika.

Sjá meira hér: http://altice.blog.is/blog/altice/entry/885488/

[Jón Ingi Cæsarsson, 27.5.2009 kl. 17:45]

Nei Kristján... upptaka evru kemur í kjölfar inngöngu í ESB ... aðild að myntbandalaginu fylgir þegar við erum hæf og tilbúin til að taka upp aðra mynt. Loftur... fastgengi er hókus pókus eins og þú kallar það...

[Loftur Altice Þorsteinsson, 27.5.2009 kl. 18:51]

Nú ert þú ekki alveg nógu nákvæmur í orðalagi Jón Ingi. Fastgengi undir stjórn myntráðs er ekki hókus-pókus, það er hins vegar það sem seðlabankar nefndu í gamla daga "fastgengi", en fræðimenn nefna í dag "tyllingu".

Við höfum enga ástæðu til að bíða eftir ESB til að taka upp "fastgengi undir stjórn myntráðs". Þetta getum við gert strax og komið þannig á efnahagslegum stöðugleika og leyst mörg önnur vandamál nær samstundis.

Ekki láta pólitíska rétthugsun villa þér sýn, Jón Ingi. Leysum viðfangsefnin eftir röð, þau mikilvægu fyrst. Evrópusambandið getum við skoðað eftir 100 ár.