Þingmenn allra flokka í sóló.

 Merkilegt að fylgjast með þingmönnum þessa dagana. Hver um annan þveran eru þeir að tjá sig þvert á stefnu og ákvarðanir flokkana. Það eru uppi ýmsar stefnur og skoðanir á þinginu þessa dagana og hver þingmaður stefnir sína leið enda ekki bundnir af neinu nema skoðun sinni.

"Sigurður Ingi Jóhannsson, þingmaður Framsóknarflokksins í suðurkjördæmi, lét hafa eftir sér á fundi Heimssýnar, félags sjálfstæðissinna í Evrópumálum, á Selfossi í gær að þingmenn Framsóknarflokksins gætu ekki stutt þingsályktunartillögu um að hefja aðildarviðræður við Evrópusambandið sem stendur. Hún væri ekki byggð á þeim skilyrðum sem Framsóknarflokkurinn setti fyrir aðildarviðræðum. Frá þessu er greint á Pressan.is."

Einn af nýju þingmönnum er tuktaður af varaformanni Framsóknarflokksins í dag. Hann er minntur á að hann muni fylgja stefnu flokksins eins og Birkir Jón varaformaður segir orðrétt á mbl.is. Þingmenn og ráðherrar VG keppast við að sýna hvað þeir eru töff og engum háðir. Blekið er ekki þornað á ríkisstjórnarsamkomulaginu en þeir fara að tala hver með sínu nefi... enda ekki bundnir af neinu nema sannfæringu sinni.

Ég hef einhvernvegin á tilfinningunni að þetta verði erfitt þing og þingmenn eigi erfiðara með það en oft áður að fylgja flokkslínum.

„Munum fylgja stefnu flokksins"