Hreinar meyjar á fjóshaug fortíðar.

Það er fyndið í aðra röndina að heyra formann Framsóknarflokksins tala eins og Sigmundur gerði í gærkvöldi. Hann var eiginlega að lýsa Framsóknarflokknum eins og hann hefur alltaf verið.

Framsóknarflokkurinn er eimitt valdsækinn smáflokkur og ráðherrar hans svo sannarlega söfnuðu völdum á eigin hendur.  Það þarf ekki að fara langt aftur til að skoða söguna þegar upp dúkka gjörningar Halldórs Ásgrímssonar í málefnum Írak og kvótamálum. Margt annað má nefna og líklega yrði sá listi langur ef saman væri tekinn. En það þarf í sjálfu sér ekki... menn muna Framsókn.

Sigmundur hefur valið sér það hlutverk að tala eins og hrein meyja í pólitík. Hann datt af himnum hreinn og óspjallaður... gallinn við það fall að hann magalenti á fjóshaug íslenskra stjórnmála og þegar það gerist er vandi á höndum. Jafnvel hreinustu meyjar útatast við að lenda á fjóshaug fortíðar.

Valdsækin ríkisstjórn