Grasrótarsamtökin að breytast í flokk.

Nú er komið að því að grasrótarsamtökin eru að breytast í flokk. Þingmennirnir þurfa aðstöðu, þeir þurfa peninga til að halda utan um baklandið, þetta eru hefðbundin viðfangsefni stjórnmálaflokks.

Borgarahreyfingin er því orðin að stjórnmálaflokki eins og vitað var næðu þeir kjöri á þing. Það er ekki hægt að leika lausum hala og haga sér að vild þegar á þing er komið. Ég tók eftir því að einn þingmaður þeirra ætlaði svo sannarlega að láta menn heyra það á þinginu.

En nú er borgarhreyfingin orðin stjórnmálaflokkur í hefðbundnum skilningi þess orðs og því eru þeir dæmdir til að haga sér sem slíkir. Ef þeir vildu það ekki þá auðvitað mundu þeir afþakka þessar tæpu 28 milljónir sem þeir eiga að fá samkvæmt lögum um " stjórnmálaflokka"

Nú er óreglan á Austurvelli að verða að reglu inni á þingi og á því hafa þeir sem kusu hreyfinguna vafalaust skiptar skoðanir ef að líkum lætur.

Peningarnir koma hreyfingunni vel

Athugasemdir

[Baldvin Björgvinsson, 29.4.2009 kl. 07:54]

Óskiljanlegra rugl hef ég varla nokkru sinni lesið. Hvað á þessi bloggfærsla þín að segja?

[Vala (IP-tala skráð) 29.4.2009 kl. 08:51]

Alltaf jafn athyglisvert þegar fólk æpir "RUGL" yfir einhverju sem er viðkvæmt fyrir það, en hefur svo ekkert meira að segja. Er þetta virkilega "óskiljanlegra rugl" sem þú hefur "varla nokkru sinni lesið" Baldvin? Hvað er svona óskliljanlegt við þetta, getur þú útskýrt fyrir mér "ruglið"? Ég verð að viðurkenna að ég er þá líka rugluð, því ég ruglaðist þegar ég reyndi að gera greinamun á þingmönnunum; "grasrótar" og hinum. Hver er munurinn á launuðum "grarsótar"þingmanni og flokksþingmanni? Með fyrirfram þökk. Rugludolla. 

[Sigurður Hrellir, 29.4.2009 kl. 09:00]

Jón Ingi, finnst þér eðlilegt að aðstandendur Borgarahreyfingarinnar haldi áfram að fjármagna starfsemina úr eigin vasa?

[Heimir Örn Hólmarsson (IP-tala skráð) 29.4.2009 kl. 09:43]

Málið er að það þarf að halda úti skrifstofu til að fólk geti haft samband við hreyfinguna. Fólkið í landinu verður að geta komist í samband við hreyfinguna og það eru ekki allir landsmenn netvæddir og nota því símann.

Það eru einnig brýn verkefni sem þarf að ráðast í sem eru jafnt stór og smá. Þingmenn hreyfingarinnar munu hafa mikið að gera og munu ekki komast í að gera þessi verkefni sem liggja fyrir. Af þessum sökum verður að hafa starfsmann/starfsmenn á vegum hreyfingarinnar á launaskrá. Sem sagt við þurfum húsnæði og einhverja launaða starfsmenn til að halda þessari hreyfingu gangandi.

Ef þetta verður ekki gert mun fólk ekki eyða sínum tíma í þetta starf og þingmenn hreyfingarinnar munu þá ekki fá aðhald frá hreyfingunni, og verða því að vera sjálfstætt starfandi.

Ef þú treystir okkur ekki, þá er þér velkomið að skrá þig í hreyfinguna á xo.is og vera með í starfinu.

Með vinsemd,

Heimir Örn Hólmarsson

[Vala (IP-tala skráð) 29.4.2009 kl. 11:05]

Já, en "rugl"viðbrögð hans Baldvins fjalla um ummæli Jóns Inga þess efnis að ......."grasrótarsamtökin eru að breytast í flokk"............ "tæpu 28 milljónir sem þeir eiga að fá samkvæmt lögum um stjórnmálaflokka".                                        Það er nú oftast þannig að "ef þú færð borgað frá mér þá þarft þú að haga þér......" , er það ekki? Vissar launareglur eða skuldbindingar? Allavega er maður ekki frjáls lengur...eða?

Því spyr ég, sem ekki veit, hver er munurinn á Borgarahreyfingunni núna og Borgaraflokki?                                 Virðingafyllst,                                                                                                                                                           Rugludolla

[Björgvin (IP-tala skráð) 29.4.2009 kl. 11:26]

Þetta er rugl því þessar 28 milljónir breyta engu varðandi skuldbindingar þingmannanna.

[Jón Ingi Cæsarsson, 29.4.2009 kl. 12:25]

Mér finnst þetta auðskiljanlegt... en skil að einhverjum þyki þetta viðkæmar staðreyndir...

[Vala (IP-tala skráð) 29.4.2009 kl. 12:44]

Getur þú Björgvin, eða einhver annar, sagt mér muninn á Borgarahreyfingunni núna og Borgaraflokki? Ef enginn getur gert það er það ansi áhugavert. Efalaust fleiri sem vilja vita. Var þetta ekki samkvæmt lögum um "stjórnmálaflokka"?

Ef þetta er "rugl", getið þið, sem stígið í vitið, þá ekki miðlað av visku ykkar með gleði, til okkar ruglhausanna sem þyrstir eftir þekkingu?  

[Baldvin Björgvinsson, 29.4.2009 kl. 15:00]

Ég er ennþá að reyna að skilja skrif þín Jón Ingi en satt að segja er ég engu nær.

Ég var á fundi í gærkvöldi eins og fleiri og það er ekkert breytt í Borgarahreyfingunni ennþá.

Þú varst kannski þar? Eða veistu meira en við sem þar vorum?

Þjóðin kaus sér fjóra þingmenn Borgarahreyfingarinnar. Borgarahreyfingin og þingmennirnir og konurnar munu sinna þeim störfum sem þau voru kosin til.

Það er frekar dapurt að horfa upp á Samfylkingarmann, sem ætti að koma glaður úr nýafstöðnum kosningum með metfylgi reyna að níða skóinn af andstæðingum sem hann þekkir ekki einu sinni.

[Jón Ingi Cæsarsson, 29.4.2009 kl. 15:08]

Baldvin minn.... hvað ertu að meina ??? Er eitthvað ljótt við að vera orðin stjórnmálaflokkur í skilningi laganna ???????