Eru það draumórar að hér verði byggð fleiri álver ?

Þetta eru iskyggilegar fréttir fyrir okkur hér á landi. Við höfum verið dugleg við að raða eggjunum í sömu körfu og eigum á hættu að hér geti orðið áfall vegna mikils samdráttar í áliðnaði.

En mitt í þessum fréttum öllum eru stjórnmálaflokkar hér sem enn telja byggingu álvera vera lausnina í atvinnumálum. Samkvæmt þessu fréttum sem byggja á heimsfréttum um stöðu mála í greininni eru það í besta falli draumórar að hér verði byggð álver á næstu árum.

Samt er þetta enn á forgangslista td. Framsóknarflokksins að hér verði byggð álver... Helguvík og Bakka.

Sennilega er skynsamlegra að fara að horfa til annarrar stóriðju en álframleiðslu og mér lýst vel á þær pælingar sem þegar eru í gangi með nýtingu orku frá Þeistareykum, og mér skilst að séu í gangi á bakvið tjöldin. Samkvæmt þessari frétt er langt í að byggt verði álver á Bakka... því miður.

Fréttaskýring: Áliðnaðurinn á í vök að verjast

Athugasemdir

[Baldvin Kristjánsson, 8.4.2009 kl. 10:47]

af hverju "því miður"?

viltu fleiri egg í sömu körfu?

[Skúli Víkingsson, 8.4.2009 kl. 10:48]

Það er heimskreppa og á meðan hún varir verða erfiðleikar í öllum atvinnugreinum sem byggja á útflutningi. Nægir etv. að benda á birgðasöfnun hjá fiskútflytjendum. Uppbygging í áliðnaði hefst aftur þegar rofar til.

[Jón Ingi Cæsarsson, 8.4.2009 kl. 10:53]

Því miður fyrir Húsvíkinga  og Þingeyinga

[Björgvin R. Leifsson, 8.4.2009 kl. 12:06]

Nei, Jón, sem BETUR FER fyrir Húsvíkinga og Þingeyinga. Nú opnast möguleiki á að fara að skoða fleiri lausnir í atvinnumálum, t.d. kísilflöguverksmiðju, ef meirihlutinn í Norðurþingi með sveitarstjórann í broddi fylkingar og kratana trítlandi á eftir sér, lætur sér segjast og hættir þessu álbulli.

[Ólafur Þórðarson, 8.4.2009 kl. 14:37]

Ég hef heyrt mann sem er virtur kall við virta stofnun tala um að ekki megi leggja öll eggin í sömu körfuna. Það er sjálfsagt rétt hjá honum. En hann sagði líka að lán væru í raun tekjur. Efnahagurinn ekki lengur tengdur framleiðslu "í skítugum djobbum" og að í dag létu menn boltann rúlla á lánum á lágum vöxtum.

Fyrir 3 árum heyrði ég hann segja þetta og hugsaði "Yeah right!"

Með blaðrinu sínu hefur þessi kall tekið þátt í að leggja öll lánsbréfin í eggjakörfuna og hjálpað til við að knésetja efnahag Íslands. Eggin í hreiðrinu sjást ekki fyrir lánsbréfunum sem eru í hrúgu ofan á þeim. 

Nú spyr ég bara: Nú höfum við eiginlega tvenns konar egg: Álegg og fiskegg. Eru menn með hugmyndir um annars konar egg sem skilað geta arði? Ekki verður listin útflutningsvara, og túrisminn heldur nú ekki byggðarlögunum gangandi nema að einhverju leyti.

[Víðir Benediktsson, 8.4.2009 kl. 23:13]

þó við byggjum eitt stykki álver er ekki þar með sagt að aðrar atvinnugreinar séu út í kuldanum. Álver skapar nokkur hundruð störf en við erum óvart 300.000 Talandi um öll eggin í sömu körfu er gamall VG áróður. Við eru með sjávarútveg, landbúnað, ferðamennsku, járnblendi o.s.frv. það minnist enginn á þessa körfu þegar talað er um að auka ferðamannaþjónustu. Ótrúlegt hvað menn eru tilbúnir að finna áliðnaði allt til foráttu. Sé áliðnaður í vanda er það vegna þess að annar iðnaður er í vanda s.s. bílaiðnaður. það verður ekkert leyst með því að fara í einhvern annan iðnað. Það gilda sömu lögmál. Líka varðandi kísilflögur.