Sjálfstæðisflokkurinn í tilvistarkreppu.

Það er sérkennilegt að fylgjast með þingmönnum Sjálfstæðisflokksins þessa dagana. Þeir eru ótrúlega ráðvilltir og virðast ekki höndla það að vera í stjórnarandstöðu.

Enginn núverandi þingmanna þeirra nema Geir Haarde hafa verið þeirri stöðu og það sést. Málflutningur þeirra er ruglinglegur og óskipulagður. Það er greinilegt að ekkert skipulag er á komum þeirra í pontu og engin samfella í málflutningi og stefnu.

Þetta er hópur forustulausra þingmanna sem hver á fætur öðrum mæta í ræðustól og reyna að slá pólitíkar keilur. Þetta var orðin vandi Sjálfstæðisflokksins þegar í samstarfinu með Samfylkingu. Ekki var nokkur lifandi leið að fá málin áfram og forustuleysið skein úr aðgerðaleysi og svaraleysi flokksins.

Sjálfstæðisflokkurinn er forustulaus. Þingmenn hans eru ráðvilltir og einhvernvegin finnst mér að skoðanakannanir og viðhorf þjóðarinnar til flokksins og fortíðar hans sé að taka þingmennina á taugum. Það er ekki gott fyrir flokk að mæta brotinn, forustulaus og farinn á taugum í kosningar.

Þannig er Sjálfstæðisflokkurinn í dag.

Kollhnísafréttaskýringar

Athugasemdir

[Óðinn Þórisson, 24.3.2009 kl. 20:29]

Það er gott að þú heldur þetta