Lágkúra !!

„Hvað er hann að draga veikindi sín fram í dagsljósið núna?“ sagði Hörður Torfason þegar hann var inntur eftir viðbrögðum Radda fólksins við tíðindum af veikindum Geirs H. Haarde, forsætisráðherra og formanns Sjálfstæðisflokksins, og tillögum um kosningar 9. maí. "

Ég legg til að þessi maður skammist sín...og biðji Geir afsökunar.

Hænuskref í rétta átt

Athugasemdir

[Stefán Jónsson (IP-tala skráð) 23.1.2009 kl. 14:40]

mikið er ég sammála, þetta er ótrúlegt að heyra!! en það virðist svo sem allt vera ótrúlega "twisted" þessa daganna!

[Grétar (IP-tala skráð) 23.1.2009 kl. 14:47]

þarna skaut Hörður sig í fótinn...

[Magnús (IP-tala skráð) 23.1.2009 kl. 14:48]

Þarna sjáum við hinn rétta Hörð Torfa !!!! Lágkúrulegt lítilmenni inn við beinið. Hann ætti að skammast sín og biðja Geir og Íslensku þjóðina afsökunar. 

[Oddgeir Einarsson, 23.1.2009 kl. 14:50]

1. Geir er að segja félögum sínum frá því að hann sé að hætta og af hverju.

2. Tillagan um að kosið verði 9. maí er mjög skýr - þ.e. að kosið verði 9. maí.

3. Hvað á Hörður við með reykbombum í þessu samhengi?

[þorkell hjörleifsson (IP-tala skráð) 23.1.2009 kl. 14:51]

Algjörlega sammála, svona talar enginn nema óviti.

[Guðjón (IP-tala skráð) 23.1.2009 kl. 14:51]

Hörður, hvað veist þú nema hann sé sjálfur nýbúinn að fá þessar fréttir ?   Skammastu þín, og biddu Geir afsökunar ! 

[Davíð Þór Kristjánsson, 23.1.2009 kl. 14:52]

Eins ÖMURLEGT og það getur orðið sýnir innri mann.

[Karl (IP-tala skráð) 23.1.2009 kl. 14:55]

Mikið er gott að vita til þess að það eru fleiri sama sinnis varðandi þessa umsögn Harðar. Það er ekki mikill maður á bak við svona hugsunahátt.

[Kolbrún Valvesdóttir (IP-tala skráð) 23.1.2009 kl. 14:57]

Eftir því sem mér skilst, klárar þjóðin að borga niður útrásarskuldirnar árið 2069 og stendur þá á núll-punkti. Enginn hefur beðist afsökunar á því.

Ps. Ég vil í leiðinni þakka Herði Torfa fyrir að hafa haldið úti og utan um réttlát mótmæli fólksins.

[Svavar Friðriksson (IP-tala skráð) 23.1.2009 kl. 14:57]

Þetta er ákaflega ósmekklegt!

Geir fékk fréttirnar á miðd að ég held að hann væri með illkynja æxli. Einum og hálfum degi síðar kemur formleg yfirlýsing um hvað hann mun gera.

Hörður Torfason sýnir þarna fram á ómanneskjulega hegðun. Við erum jú öll manneskjur með tilfinningar!

[Arnar Helgi Hlynsson (IP-tala skráð) 23.1.2009 kl. 14:59]

Ég verð bara að taka undir ...

Þetta er eiit það siðlausasta sem ég hef lesið þessi yfirlýsing hjá Herði.

Ég á ekki til orð, svo einfalt er það.

Mér er sama hversu mikið mótlæti hann getur haft gagnvart sitjandi ríkisstjórn en maður óskar engum dauða né veikindi, það sýni einungis innri mann.

Ég tek undir yfirlýsingar innan sjálftæðisflokksins að biðja mótmælendur að sýna stillingu og virðingu með því að mótmæla ekki yfir helgina. Hver vill fylgja "Röddum fólksins" eftir svona yfirlýsingu frá Herði. Ég myndi ekki láta benlda mig við hana.

Maður hreinlega spyr sig líka hvort að Lögreglumennirnir okkar, sem þjást alveg eins og öll við hin af fjármálakreppunni, eigi ekki skilið smá break...

[Uni Gislason (IP-tala skráð) 23.1.2009 kl. 15:01]

Eins trist og það er að greinast með illkynja sjúkdóm sem kann vel að draga mann til dauða, þá er það einkamál. Nema það muni hafa áhrif á möguleika manns til að sinna opinberu starfi.

Í rauninni kom okkur ekkert við hvort eitthvað amaði að Geir Haarde. NEMA hann geti ekki haldið áfram að vera forsætisráðherra sökum þessa.

Veikindi hans koma sem sagt annað hvort málunum ekki við, og þá er þetta aumt lýðskrum, eða hann getur ekki sinnt starfi sínu og ætti því ekki að gera það.

Formenn beggja flokkanna þráast við að 'stýra' landinu úr sjúkrarúmi milli aðgerða í öðrum löndum. Ég vona að Geir nái sér og óska honum alls hins besta, en á sama tíma get ég ekki með góðri samvisku beðið veikan mann um að axla þetta gríðarlega álag sem hann hlýtur að vera undir. Álag og streita skemma ónæmiskerfið og það er bara mannvonska að halda honum og þessvegna Ingibjörgu við völd.

Bæði þurfa langa, langa hvíld og það samstundis. Einmitt ekkert illt meint með því, heldur hagsmunir allra. Geirs og Ingibjargar og þjóðarinnar. Enda þjóðinni fyrir bestu að fullkomlega heilbrigðir einstaklingar standi við stjórnvölinn.

[Ingimar Eydal, 23.1.2009 kl. 15:05]

Já, nú er ég sammála þér Jón Ingi! 

Maður er sleginn við þessar fréttir og skyldi enginn gera lítið úr alvarlegum veikindum.  En ég er hissa á að hann skuli ekki hætta strax og láta Þorgerði taka við.   Og auðvitað eru mótmælendur ekki sáttir við þetta sem endalok málsins því krafan hefur verið sú að ríkisstjórnin færi frá.

En menn eiga að umgangast fólk með virðingu og þarna missteig Hörður sig illa í þeim efnum.

[Stokkarinn, 23.1.2009 kl. 15:07]

Hvaða máli skiptir það þó að Geir sé með krabbamein eða ekki, er það ekki einmitt hann sjálfur sem hefur tönglast á því mánuðum saman að ekki megi persónugera vandann. Það var forsætisráðherra, ríkisstjórnin, alþingi, fjármálaeftirlitið, bankarnir og fleiri sem brugðust.
Þess vegna hefur Hörður nokkuð til síns máls varðandi það að þetta sé sett svona fram til að kasta ryki í augu almennings og beina umræðunni frá vanhæfi ríkisstjórnarinnar og reyna að persónugera embættið með sínum harmsögum.

[gjons (IP-tala skráð) 23.1.2009 kl. 15:10]

Þarna varð leiðtogi mótmælenda sér til stórkostlegrar skammar. Álit þeirra minnka stöðugt. Ofsafengið ofbeldi gegn lögreglunni og svo yfirlýsingar af þessu tagi sem lýsa annað hvort mikilli heimsku eða illgirni eða kannski hvoru tveggja. Segðu af sér Hörður og láttu aðra taka yfir stjórn mótmælanna. Þið sem gerið svo miklar kröfur til annarra hljótið að gera kröfur til sjálfra ykkar einnig.

[So (IP-tala skráð) 23.1.2009 kl. 15:21]

Gæti ekki verið meira sammála þér Jón Ingi! Þetta eru ótrúleg ummæli hjá Herði Torfa. Þvílík lágkúra. Ég er eiginlega orðlaus.  Geir sagði sjálfur að hann hefði komist að því á þriðjudaginn að þetta væri illkynja þannig að það er nú ekki eins og hann hafi lúrt á þessu lengi!  En að væna manninn um að vera að búa þetta til er hugmyndaflug á hæsta stigi. Maður fer bara að setja spurningarmerki við eitt og annað hjá Herði miðað við hvað hann ætlar öðru fólki!  Lélegur Hörður!

[Stokkarinn, 23.1.2009 kl. 15:31]

So sagði Hörður einhverntíma að þetta væri tilbúningur?

Var bara að benda á að það væri munur á einkalífi og pólitísku lífi.

[Víðir Benediktsson, 23.1.2009 kl. 15:56]

Nú erum við sammála félagi. þetta var lélegt. Nú á bara gera þá kröfu að Hörður segi af sér.

[Óskar Þorkelsson, 23.1.2009 kl. 16:21]

þá hafa vælukjóar og hræsnarar landisns sameinast um eitthvað.. gott að vita hvar menn standa. 

[Stefán Arnaldsson (IP-tala skráð) 23.1.2009 kl. 17:34]

Þarna sýnir Hörður sinn innri mann, ætti að skammast sín, ja þvílík lágkúra.  Er þetta virkilega rödd fólksins ?  Er þannig komið fyrir okkur ?

[Eva Hauksdóttir (IP-tala skráð) 23.1.2009 kl. 17:39]

Hér er nú aldeilis drullað digurt og sumt ekki svaravert.

Jón Ingi, Magnús, Guðjón: Biðjast afsökunar á hverju? Á því að álíta þessi veikindi ekki ástæðu til að slá af kröfunum? Eða á einhverju öðru.

Oddgeir: það sem Hörður á við (eftir því sem ég skil það) er að hér sé verið að nota fremur máttlaust tól til að spilla fyrir andófinu. Mér sýnist þetta nú einmitt virka þannig hvort sem það var meðvitað hjá Geir eða ekki.

Svavar, hvað er ómanneskjulegt í þessu sambandi? Að taka kröfur þúsunda fram yfir hugarró manns sem þjáist af sjúkdómi? Eða eitthvað annað?

Arnar Helgi, þín athugasemd er líklega sú ógeðfelldasta á þessum þræði og er þó af nógu að taka; hver hefur óskað hverjum veikinda eða dauða?

Finnst þeim sem tjá sig um ómerkilegt innræti Harðar Torfasonar í þessu sambandi, eðlilegt að einkamál forsætisráðherra, verði t.d. til þess að menn samþykki að hafa Davíð Oddson áfram í stól Seðlabankastjóra?  

[Skarfurinn, 23.1.2009 kl. 17:45]

Mikið anskoti eru landar mínir skrýtnir, fólk er búið að djöfflast mánuðum saman og skammast í Geir og hans stjórn og ýmislegt miður fallegt verið sagt, en svo veikist maðurinn þá breyta 90% manna algjörlega um stefnu og fordæma manninn sem hefur þó áorkað því með dugnaði sínum (og fleiri) að Geir og ISG neyðast til að boða til kosninga vegna mikils þrýstings. Vel getur verið að Hörður hafi orðað þetta klaufalega eða jafnvel ósmekklega en það breytir því ekki að Geir sé allt í einu orðinn heilagur eins og GUÐ almáttugur. Ekki gleyma því að við verðum næstu 50 árin að greiða upp lán gjaldþrota ríkis vegna stórkostlegra afglapa þessa sama Geirs sem eflaust er hinn ágætasti maður, en stjórnandi er hann ekki fyrir fimm aura og verst hvað hann laug oft að þjóðinni í haust.

[Jón Ingi Cæsarsson, 23.1.2009 kl. 17:48]

Ég fer fram á að Hörður Torfason biðjist afsökunar á að láta að því liggja með beinum hætti að Geir Haarde sé að notfæra sér veikindi sín til að kaupa frið.... Eva Hauksdóttir... lægra verður varla lagst.

Ég sé að þú styður Hörð Torfason og mælir þessum ummælum hans bót... og kemur í sjálfu sér ekki á óvart.... öfgar blinda sýn,,

[Jón (IP-tala skráð) 23.1.2009 kl. 17:58]

Kostnaður þjóðarinnar vegna stjórnar Davíðs Oddsonar og hyski hans er óheyrilega mikill.
Skuld ríkisins er núna varlega áætluð 3000 milljarðar ISK eftir 17 ára stjórn Sjálfstæðisflokksins

3000 milljarðar ISK /(17 ár x 365 dagar) = 484 milljónir ISK á dag.

Niðurstaða:

Hver dagur sem Sjálfstæðisflokkurinn hefur verið við völd síðustu 17 ár hefur kostað almenning hálfan milljarð ISK í beint tap.

Vill einhver halda þessu áfram?
Þarf eitthvað að ræða þetta frekar!?..

[Jón (IP-tala skráð) 23.1.2009 kl. 18:03]

Stjórnin á að fara frá strax.
Geir er vanhæfur og nú kemur í ljós að hann er veikur.
Veikt og vanhæft fólk á ekki að sitja ríkisstjórn.

[Óðinn Þórisson, 23.1.2009 kl. 21:35]

Hörður hlítur að biðja Geir afstökunar á þessum orðum ef hann vill að fólk taki mark á sér.
Best væri fyrir mótmælin að Hörður myndi stíga til hliðar.

[Kristján Logason, 24.1.2009 kl. 12:26]

----
Wrong answer 101

Sem blaðamaður þá setur þú viðmælanda inn í málið og spyrð hann spurningar.
Síðan kveikir þú á upptökutækinu og spyrð hann óræðrar spurningar sem engu máli skiptir í raun nema sem framhald af fyrri spurningu.

Viðmælandi þinn sem nú á traust þitt. Svarar samviskulega.

Ef þú vilt láta viðmælanda líta enn ver út skellir þú í miðri ræðu hans spurningu sem hann átti alls ekki vona á að verða spurður.

Með þessu hefur þú séð til þess að viðmælanda vefst tunga um tönn.

Þegar þetta er klippt og birt er breytt um fyrirsögn.

------------


Þetta eru svo augljós vinnubrögð að ég á ekki til orð.
Það er hafið stríð hér á landi sem aldrei fyrr um orð og tjáningarfrelsi.
Allir þeir sem ekki tjá sig með samskonar orð og setningarskipan og valdstjórnin eru úthrópaðir á torgum með fáránlegum svívirðingum sem menn ættu ekki einu sinn að láta út úr sér í einrúmi.

Stjórnvöld gera allt til þess að fólkið í landinu taki ekki af þeim völdin og landið sem þau telja sig ein eiga og geta ráðstafað

Þetta þarf að stöðva



Við erum þjóðin

Landið er okkar