Óróleiki við Öskju og Bárðarungu

Það er mikill óróleiki í norðanverðum Vatnajökli, norðan Upptyppinga og á Öskjusvæðinu. Gengið hefur á með verulegum óróakviðum og greinilegt að kvika er eitthvað að skríða til undir svæðinu. Nokkuð er síðan síðast varð kviða við Upptyppinga en órói aukist í Bárðarbungu, við jökulbrúnina norðanverða og nú er óróakviða í gangi við og í Öskju.

Þetta svæði er eitt það eldvirkasta á Íslandi og hætt er við að þarna gæti brotist upp eldgos með litlum fyrirvara. Síðast gaus í Öskju 1961 og því orðið langt síðan gaus síðast. Þar á undan voru gos á árunum upp úr 1920 þegar Bátshraun, Mývetningahraun og fleiri komu upp innan Öskjunar. Mig minnir að eyjan í Öskjuvatni hafi myndast í gosi 1926.

Þegar skoðuð er saga þeirra hrikalegu náttúrhamfara sem þarna urðu 1875 þegar Víti gaus og Öskjuvatn myndaðist i framhaldinu á næstu áratugum er ljóst að þarna er á öllu von. Svæðið sem verður fyrir áhrifum af kvikuhlaupum frá svæðinu er stórt og jarðfræðingar telja fullvíst að gos í Sveinum á Mývatnsöræfum sé tengt þessu svæði. Árið 1875 gaus skammt sunnan núverandi leiðar austur á land og hraun rann yfir þjóðleiðina milli Grímsstaða og Mývatns.

Það er öruggt að jarðfræðingar eru á tánum hvað þetta svæði varðar þessi misserin.