Steingrímur... upphrópanir og ráðaleysi.

Steingrímur Jóhann Sigfússon hefur hátt og kallar mikið. Ekki vantar úrtölurnar og svartsýnina.

Það væri gaman að heyra heildstæðar tillögur frá þeim ágæta manni hvernig hann sér framtíðina fyrir sér... hvert við eigum að stefna og hvernig við eigum að komast í gegnum þessar miklu þregningar. Það virkar skammt að hafa hæst og tala mest.

Ef einhver sem þetta les veit eitthvað um þær tillögur sem Steingrímur Jóhann hefur lagt fram til lausna fyrir þjóð í vanda þætti mér vænt um að þeir hinir sömu skutluðu þeim inn í athugsemdaglugga hjá mér..... þær hafa nefnilega alveg farið fram hjá mér.

Þá er ég ekki að tala um þessa þegar hann ætlaði að láta norðmenn redda okkur.... hún var ekki í spilunum eins og komið hefur fram.

„Ekkert má út af bera“

Athugasemdir

[lalli (IP-tala skráð) 5.12.2008 kl. 13:23]

Þad er svo margt sem þessi ágæti madur segir, en hann hrópar alltaf andstæduna vid þad sem ríkisstjórnin gerir. Þad vita allir ad þad er voda gott ad standa á hlidarlínunni, þá veit madur allt best.

[Gunnar Örn Þórðarson (IP-tala skráð) 5.12.2008 kl. 14:01]

Hvernig er það. Steingrímur hefur staðið á hliðarlínuni og gagnrýnt allt sem ríkisstjórnin gerir og hvar erum við núna, jú nákvæmlega þar sem hann spáði okkur með allri sinni "neikvæðni"

 Hvað þarf að gerast til þess að fólk taki sig saman í andlitinu og hætti að horfa á gagnrýni sem eitthvern leiðindahátt. Mikið af því sem hann segir er rétt. Sú frétt sem þú ert að vitna í, er hann að fara með rangt mál þar eða ertu bara svona ótrúlega staðnaður að þú hefur ekki áttað þig á því sem er að gerast í landinu þessa dagana.Steingrímur hefur ekki gert nokkurn skapaðan hlut vegna þess að stjórnin hleypir ekki nokkrum manni inn í skítinn sem hún er búin að vaða út í. 

 Hann getur álíka vel búið til einhverja aðgerða áætlun eins og ég eða þú. Hvað hefur þú gert?

 Hafðu það sem best

Gunnar

[Jón Ingi Cæsarsson, 5.12.2008 kl. 15:59]

Gunnar Örn.... ég var bara að biðja um að einhver upplýsti mig um tillögur sem hann hefði lagt fram.

Hann hefur gagnrýnt hástöfum en ekkert lagt fram. ..  Ég og þú erum ekki í stöðu til að leggja slíkt fram en Steingrímur er á Alþingi og hefur öll tækifæri til þess.... en ????

[Víðir Benediktsson, 5.12.2008 kl. 19:17]

Hann hefur stungið upp á því að núverandi ríkisstjórn fari frá. Það er mjög góð tillaga.

[Þröstur (IP-tala skráð) 6.12.2008 kl. 05:43]

Jón Ingi.

Það sagði mér norskur maður sem rekur mörg fyrirtæki hér á landi. Að Norðmenn treysti ekki núverandi stjórnvöldum á Íslandi. Þeir eru með sína eginn rannsókn á fjárglæpastarfseminni sem hefur verið hér á landi. Það er ekki bara Norskur hernaðarsérfræðingur sem hefur verið hér.

Norðmenn og aðrar þjóðir hefðu vafalaust lánað Íslendingum án mikilla vaxta ef aðeins þeir sem bera ábyrgð hefðu séð sóma sinn í að fara frá.

Annars fynnst mér Gunnar Örn Þórðarsson hitta naglann á höfuðið í þessum málum.

Upplýsingum er haldið frá okkur öllum. Stjórnarandstöðu sem þjóðinni.