Bræðravíg og systra í Framsókn.

Framsóknarflokkurinn með sín 7,8% fylgi er að klofna. Þar takast á gömlu Hriflu-frammararnir með Guðna og Bjarna bóksala í broddi fylkingar. Skotmörk þeirra félaga er þeir framsóknarmenn sem vilja taka upp umræður um ESB aðild og breyttar áherslur flokksins sem að mestu er óbreyttur í grunninn frá því 1916.

Halldórsarmurinn er greinilega skotmark Bjarna og hann gerir grátlega misheppnaða tilraun til að vega að Valgerði úr launsátri. Ekki það að hún eigi það skuldlaust sem Bjarni er  að koma á framfæri heldur sú napurlega staðreynd að skotvopnið sem nota átti á Valgerði sprakk í andlitið á þeim sem ætlaði að nota það.

Niðurstaðan eru tveir illa særðir Framsóknarmenn sem gera sitt besta að kljúfa flokkinn sinn í tvo 3-4% flokka á Alþingi.

Hvar skyldi tómstundaþingmaðurinn, þáttagerðarmaðurinn, bæjarfulltrúinn og námsmaðurinn Birkir Jón segja í blogginu sínu læsta og lokaða nú ?

Bréf til Valgerðar fór á alla fjölmiðla

Athugasemdir

[Fannar frá Rifi, 10.11.2008 kl. 23:47]

Held að Hryflu Framsókn sé nú snökktum betri heldur en landsöluliðið sem vill setja okkur undir hæl Gordons Brown í ESB. en það er nú svoleiðis með landráðamenn að þeir hugsa sjaldnast um annað en eigin hag og flott störf sem í boði eru fyrir þá á skrifstofum í Brussel.

[Óðinn Þórisson, 11.11.2008 kl. 07:52]

Hver á að treysta þessum manni - ekkert eftir hjá kallgreyinu en að segja af sér.

[Jón Halldór Guðmundsson, 11.11.2008 kl. 13:07]

Tek undir með Fannari. Þetta landsölulið sem kallar sig Sjálfstæðisflokk er búið að grafa undan efnahagslegu sjálfstæði þjóðarinnar. Töldu þjóðinni trú um að allir græddu pínulítið ef sumir græddu voða voða mikið og fengju gefins ríkisbanka. Þetta er búið að koma okkur í koll.

[Ólafur Gunnarsson, 12.11.2008 kl. 01:36]

Sæll Jón Ingi, Auðvitað gerði Bjarni ófyrirgefanleg mistök og átti að segja af sér þingmennsku, og ber að virða hann fyrir það. Í mínum huga eru þó þessi hörmulegu mistök eins og hann orðaði það sjálfur ekkert hjá þeim mistökum sem ríkisstjórn okkar hefur verið að gera á undanförnum mánuðum, og sjá ekki að þeir sjálfir hafa komið okkur í það drullusvað sem við erum nú komin í. Og Jón ekki fara að kenna útrásarmönnum alfarið um ástandið því stjórnin gaf þeim lausan tauminn í stað þess að grípa í hann sem hún gat svo auðveldlega gert fyrir löngu síðan en þorði ekki, eða það sem verra er vissi ekki að valdið var hennar.Ég kaus samfylkinguna síðast og viðurkenni fúslega þau mistök því hún hefur ekkert gert til að sporna við fótum í þessu stjórnleysi. Vona að ég sjái nú þá sem eru rúnir öllu trausti þjóðarinnar segja af sér og eru þeir ansi margir sem mega taka Bjarna sér til fyrirmyndar og þora að játa sínar sakir, en ekki ætla ég að virða þá fyrir það því þeir eiga enga virðingu skilið þegar þeir hverfa frá. Bjarni Harðar sagði bara sannleikann en fór bara óheiðarlega að því og viðurkennir það og fyrir það ber að virða..                                                                                                                                                                                                                                                                                                                                                  Ps:     Það hefði nú komið sér betur að Jóhanna Sig hefði fengið alla stólana sem í boði voru fyrir Samfylkinguna, því hún er sú eina sem hægt er að treysta eitthvað á í þessum flokki..