Lygamörður afhjúpaður ?

Þá er breska pressan að vakna. Það er kominn tími til. Ef til vill eigum við og Kaupþing banki milljarða kröfur á hendur bretum.

Þeir félagar Brown og Darling verða vonandi afhjúpaðir á næstu dögum og samúðin færist áf breskum stjórnvöldum yfir á þau íslensku.

Undirskrifalistinn á netinu hefur vakið gríðarlega athygli víða um heim og í morgun skrifaði Flickr vinkona mín mér frá Bandaríkjunum og sagðist hafa skrifað á hann og sent linkinn áfram til vina sinna og kunningja með ósk um að þeir skrifuðu og sendu hann síðan áfram.

Frábært framtak og afar lofsvert.

http://www.indefence.is/

Fullyrðingar Darlings dregnar í efa

Athugasemdir

[Hólmdís Hjartardóttir, 24.10.2008 kl. 11:28]

Kannski þessi listi eigi eftir að hjálpa upp á mannorðið..

[Gísli Baldvinsson (IP-tala skráð) 24.10.2008 kl. 11:38]

Vinur okkar Stefán Friðrik segir: "Nú skiptir máli að rekja málið á upphafsreit og vita hvor kratinn segir ósatt." Ég sá ástæðu til að hrista strákinn til en veit ekki hvort hann birtir það.

[Sævar Einarsson, 24.10.2008 kl. 11:59]

Núna fara hjólin að snúast okkur í hag, annað þorskastríð fer að vinnast, ætla Bretar aldrei að læra það að þeir geta ekki unnið okkur í stríði

[Jón Ingi Cæsarsson, 24.10.2008 kl. 12:01]

Mér finnst svona frekar að STebbi Fr sé dálítið í Rangars Reykáss gírnum. Ég veit ekki alveg í hvaða liði hann er....því íslenska eða breska.

[Henrý (IP-tala skráð) 24.10.2008 kl. 13:50]

Þetta er nú nokkuð amerísk afstaða hjá þér Jón Ingi. Að efast um heilindi íslensk ráðherra sé landráð gegn Íslandi. :)

[Stefán Friðrik Stefánsson, 24.10.2008 kl. 14:40]

Ég veit ekki hvort þið eruð blindir, Jón og Gísli, en ég hef skrifað mjög harðort um Bretana. Það er því alveg óþarfi að snúa málinu svona við og reyna að snúa því í afneitun. Mér finnst fullkomlega eðlilegt að spyrja um septemberfundinn og hvað var sagt á honum, enda notar Darling hann margítrekað til að verja eigin stöðu. Mér finnst frekar furðulegt að tala um lið í þessu samhengi. Ég vil fá það rétta fram og hef hvergi óskað eftir neinu öðru. Mjög margt er bogið í þessu máli. En auðvitað eru Bretarnir durtar. Hef margoft skrifað um það. Finnst það frekar aumt hjá ykkur ef þið Samfylkingarfélagar ætlið að gera lítið úr þeim skrifum.

[Jón Ingi Cæsarsson, 24.10.2008 kl. 17:03]

Nei Stebbi...ekki blindir. Þess vegna sjáum við að þú bloggar ekki um yfirlýsingu Björgvins.... af hverju ?