Má ekki snúast um persónu Davíðs Oddssonar.

Ísland er í krísu og stjórnmálamenn, bankamenn, sérfræðingar og nánast allir sem vettlingi geta valdið eru að reyna að bjarga málum.

Síðan hafa menn verið að eyða orku í deilur um Davíð Oddsson, hvað hann sagði, sagði ekki eða hvernig hann sagði hlutina. Svona getur þetta ekki gengið og ljóst að trúverðugleiki okkar hefur beðið hnekki.

Kannski var það Davíð að kenna, eða ekki Davíð að kenna, eða kannski varð það Davíð að kenna að hluta. Um þetta á ekki að þrefa. Hluti af því að ná árangri er að endurheimta trúverðugleika og traust þjóðarinnar. Með Davíð sem seðlabankastjóra verður það erfiðara og þess vegna á hann að fara á eftirlaun.

Mikilvægt er að það gerist hratt svo menn hætti að þrefa um Davíð Oddsson, sem er í eðli sínu smámál í þessum þrengingum.

Hvað sagði Davíð?

Athugasemdir

[Gísli Baldvinsson (IP-tala skráð) 13.10.2008 kl. 15:00]

Ég er ekki alveg sammála því Jón, að það sé "smámál" hvað Davíð sagði. En það má bíða, það er rétt - en ekki gleymast.

[Jón Ingi Cæsarsson, 13.10.2008 kl. 15:02]

Ekki það sem hann sagði... heldur smámál að hann víki.