Er ráðherra að hefna sín ?

Margir eru á þeirri skoðun að Björn Bjarnason sé að hefna sín á lögreglustjóranum á Suðurnesjum. Því neitar ráðherra að sjálfsögðu en hefur ekki náð að rökstyðja ástæðu þess að embættið verður auglýst.

Í gegnum árin hafa starfsmenn sem falla undir valdsvið viðkomandi ráðherra haldið því fram að vissara sé að stíga ekki á líkþornin á karlinum, hann sé bæði langrækinn og hefnigjarn.

Þessu var haldið fram meðan hann réði ríkjum í menntamálaráðuneytinu og margir hafa haldið því fram að sama sé uppi á teningnum í dómsmálaráðuneytinu.

Vonandi er þetta ekki rétt því ráðherra sem ynni þannig er auðvitað ekki starfi sínu vaxinn. Það stendur því upp á Björn Bjarnason að rökstyðja þessa ákvörðun sína og sannfæra okkur óbreyttan pöpulinn að hann sé faglegur og sanngjarn í ákvörðun sinni.

Enn sem komið er virkar þetta sem persónuleg hefndarráðstöfun á hendur manni sem ekki vill vera í jábræðraliði ráðherra.

Óheimilt að auglýsa án sérstaks tilefnis

Athugasemdir

[Hjalti Garðarsson, 22.9.2008 kl. 11:45]

Vonandi er þetta ekki rétt því ráðherra sem ynni þannig er auðvitað ekki starfi sínu vaxinn.

Björn Bjarnason er ekki og hefur aldrei verið starfi sínu vaxinn.  Hann er þarna einfaldlega út á ætternið.

Nákvæmlega það sama á við um Ríkislögreglustjórann.