Finnland í þriðju tilraun. Icelandair hikstar.

Það er langt síðan ég hef verið í flugi sem þurft hefur meira en eina atrennu. Einu sinni fyrir langa löngu hikaði vél frá Aeroflot sem ég ferðaðist með og fór í loftið í annarri tilraun.

Á miðvikudaginn í síðustu viku fór ég með beinu flugi til Helsinki. Kallað um borð og ekið að brautarenda, hikað og keyrt heim að aftur.

Hópur hraustlegra flugvirkja hóf skyndiskoðun á rellunni en fundi ekki út úr málinu. Flugstjórinn hafði skemmilegan húmor og tilkynnti farþegunum að þeir þyrftu að hugsa sig aðeins meira um og kíkja í handbækurnar.

Og svo kom það.... hitaskynjari fyrir farþegarými hafið staðið á sér og okkur ekkert að vanbúnaði.. Ekið á brautarenda og aðeins manúerað og hikað. Það læddist að mér grunur.

En svo tók vélin kipp og allt fór á fullan snúning og við brunuðum eftir brautinni. En svo kom það.... nauðbremsað og hætt við.... ekið heim að flugstöðvarbyggingunni á ný...

Bilun í vökvakerfi... flugstjórinn lagði á það mikla áherslu að þetta væri ekki það sama og síðast.

En nú voru flugvirkjar og aðrir búnir að fá nóg af þessari bilanasæknu Boeing 757 og sendu okkur í aðra flugvél sömu gerðar... hana Svandísi.

Og nú gekk allt í sögu og eitthvað fannst mér hún Svandís líta betur út innan... hin var pínulítið sjúskuð þegar maður spáir í það svona eftir á.

Eins og sést á myndinni komst ég til Finnlands og alveg til Borgaa.