Umferðaröryggi á þjóðvegi 1.

Mikil umræða hefur verið um slys og óhöpp á Suðurlandsvegi og Vesturlandsvegi. Þar hafa orðið gríðarlega mörg slys og óhöpp. Sem betur fer eru menn að vakna til vitundar um það að þarna þarf að gera miklar umbætur.

Þegar er búið að boða tvöföldun þessara vega út frá Reykjavík og síðasta ákvörðun um lagfæringar til aukningar öryggis á kaflann milli Hveragerðis og Selfoss er vel. Þar hafa orðið mög slys og mig minnir að þar hafi orðið þrjú dauðaslys á síðustu árum.

Svo er það sem mér liggur á hjarta. Vegurinn frá Akureyri, norður Kræklingahlíð, um Moldhaugnaháls og þaðan um Hörgárdal og Öxnadal að Öxnadalsheiði. Þetta er þjóðvegur 1 eins og flestir vita og er mjög mjór víða og aksturhraði mikill. Lögreglan á Akureyri hefur verið dugleg við að hraðamæla á þessari leið undanfarin ár og ótrúlegar tölur hafa stundum birst á skjá hraðamælingatækis hjá þeim á þessari leið.

Og svo að vondu tíðindunum. Ég fór yfir það í huganum hversu mörg slys hafa orðið á þessari leið. Mér eiginlega brá þegar ég taldi saman þau dauðaslys sem ég mundi á þessari leið á síðari árum.

Ég man eftir hvorki meira né minna en 12 dauðaslysum á þessari leið á flest á seinni árum. Þetta voru slys af ýmsum toga, árekstrar og útafkeyrslur. Þetta ætti að velta því upp hvort ekki sé ástæða til að skoða hvort ekki sé ástæða að skoða öryggismál og lagfæringar á þessari leið. Miðað við þá umræðu sem orðið hefur í nágrenni Reykjavíkur er full ástæða til að velta því fyrir sér hvort ekki sé ástæða til að grípa til breikkunar og jafnvel tvöföldunar þessa vegar þó ekki væri nema að hluta.

Það er eiginlega merkilegt að ekki hafi skapast um þetta umræða því þessar tölur sem greiptar eru í minni mitt eru sláandi.

Athugasemdir

[Óskar Þorkelsson, 28.8.2008 kl. 19:16]

Ekki ætla ég að draga þetta í efa enda hef ég ekið þessa leið ótal sinnum..  en einhvernveginn finnst mér slysin þarna verða með öðrum hætti en á suðurlandsveginum.  Á suðurlandsvegi eru menn hreinlega að keyra framan á hvorn annan oft á tíðum á meðan menn keyra út af og velta á leiðinni norður.. ástæður þess tel ég vera vegna þess að menn aka norður eftir vinnudag í reykjavík og vísa versa.. ég verð stundum var við það hjá sjálfum mér á leiðinni suður eftir söluferð norður að þegar komið er að Holtavöruheiði þá eru aungalokin orðin talsvert sigin ..  Lengri akstur en á suðurlandsvegi gera það að verkum að menn sofna hreinlega undir stýri.. 

Hitt er svo annað mál að þjóðvegur 1 er til skammar á mörgum stöðum í kringum landið.. kannski hefði átt að laga þessa dauðakafla norður og suður í stað þess að bora göng til mannfárra staða fyrir norðan og vestan..