Bygging jarðgerðarstöðvar að hefjast.

Ég tók eftir því að það er risinn byggingarkrani á Þveráreyrum í Eyjarfjarðarsveit. Þar er að hefjast bygging jarðgerðarstöðvar sem verður risaskref inn í framtíðina í úrgangsmálum á svæðinu. Þar á að vinna lífrænan úrgang af svæðinu, frá sláturhúsum, kjötvinnslum og fleira. Það er fyrsta stórskrefið í átt til þess að loka sorphaugunum á Glerárdal og bæta umhverfið í Eyjarfirði. Í framhaldi gæti síðan hafist vinnsla á lífrænum heimilisúrgangi.

Þetta var eitt af stóru kosningamálum Samfylkingarinnar á Akureyri og ekki er hægt að segja annað en allir hafi tekið undir með okkur við þessa framkvæmd og unnið markvist að þessar niðurstöðu.

Tromlurnar í jarðgerðarstöðina hafa staðið á hafnarbakkanum um hríð eða síðan þeir var skipað á land úr Axel nánast í bakgarðinn hjá mér á Eyrinni. Síðan þá hef ég haft þær í augsýn sem hefur verið ákaflega þægileg tilfinning því þetta er sýn sem ég hef haft frá því ég tók sæti í stjórn Sorpeyðingarinnar 1998 eða fyrir 10 árum síðan. Það þurfti að slíta því fyrirbæri og færa framkvæmdina til hlutafélags til að þetta gengi vel fyrir sig og það hefur gengið eftir.

Ég vona að áætlanir gangi eftir og vinnsla verði komin á fullan skrið á Þveráreyrum í byrjun næsta árs...

 Myndirnar hér að neðan eru frá jarðgerðarstöðinni í Everum í Noregi en hana skoðaði ég sumarið 2006 í fylgd með Staðardagskrár 21 fólki sem m.a. skoðaði þess stöð ásamt ótalmörgu öðru sem snýr að bættu umhverfi og framtíðasýn í þeim málaflokki.

                           

Athugasemdir

[Guðríður Gyða Eyjólfsdóttir (IP-tala skráð) 27.8.2008 kl. 10:14]

Sæll Jón Ingi.
Veist þú hvert blaðagámurinn og fernugámurinn sem stóðu við dæluskúr á Glerártorgi hafa farið? Kveðja ofar af Eyrinni Gyða

[Jón Ingi Cæsarsson, 27.8.2008 kl. 13:07]

Sæl Gyða.... þeir voru færðir þegar Tívoíið var þarna um daginn... komnir á sinn stað núna.

kveðja.