Sandar.. þar vilja menn reisa olíuhreinsistöð !

Var á Söndum fyrir nokkrum dögum. Gekk þvert yfir landið sem verið er að græða upp og kíkti á berin. Frábært land og þarna verður gróðursælt og örugglega frábært berjaland ef tekst að halda skógræktinni innan skynsamlegra marka.

Eitt skyggir þó nokkuð á ánægju mína, jörðin Sandar í Dýrafirði er annar sá staður sem nefndur er hvað varðar staðsetiningu á olíuhreinsistöð. Þegar maður gengur þarna um sér maður og finnur hvaða glóruleysi er baki svona áforma. Hinn staðurinn, Hvesta við Arnarfjörð er ekki síður fallegur þó svo ekki sé verið að rækta skóg og berjaland alveg í nágrenninu.

Á efri myndinni sést til sjávar í átt að þeim stað sem fyrirhugað stóriðjuver gæti risið og neðri myndin er tekin uppi á Sandafelli og sér niður í átt til sama staðar vinstra megin við fjallsöxlina.

Til hamingju með frábær áform á þessum stað hvað varðar skóg og mannrækt.                              

                                                                                                                                                                                                                                                                                                                                             

Aðalfundur Skógræktarfélags Íslands settur

Athugasemdir

[Lára Hanna Einarsdóttir, 18.8.2008 kl. 00:16]

Þú getur andað rólega hvað Sanda varðar - það er búið að velja Hvestu. Við verðum að sameinast um að hindra þau áform.

Náttúruverndarsamtök Vestfjarða verða með skoðunarferð að Hvestu 30. ágúst ef þú hefur tök á að slást í hópinn!

[Jón Ingi Cæsarsson, 18.8.2008 kl. 11:38]

Ég er víst víðsfjarri þá .... því miður. Ég var við Hvestu í síðustu viku enda hef ég á ferð minni um Vestfirði lagt á það áherslu að kynna mér þessu tvo staði til að geta tekið þátt í þessari umræðu af fullum krafti.

Þessi áform eru fullkomlega galin og hræðilegt að heyra bæjarstjóra Vesturbyggðar tala um þessa hluti af fullkomnu ábyrgðaleysi og vanþekkingu. Svona menn eru þjóðhættulegir í sveitarstjórnum þar sem stóriðjufyrirtæki og óprúttnir fjármálamenn notfæra sér vanda þeirra sér til framdráttar og staðfestuleysi veikgeðja stjórnmálamanna.

[Lára Hanna Einarsdóttir, 19.8.2008 kl. 09:44]

Allt satt og rétt hjá þér.

Ég fór í langa Vestfjarðarferð í fyrrasumar í dásamlegu veðri og dólaði m.a. út alla Ketildali og til baka. Skoðaði Hvestudal ekkert sérstaklega en vona að ég geti skotist með Vestfirðingum í þessa ferð í lok mánaðarins.