Galnar hugmyndir ? Hvar liggja mörk skynsemi ?

 

                 Er mönnum alvara ? 

                        

Ég er að velta því fyrir mér.... er mönnum virkilega alvara ? Getur það verið að mönnum sé alvara með að setja niður olíuhreinsistöð í einum fegursta firði Vestfjarða ? Er mönnum alvara að beina stöðugum straumi risaolíuskipa að stað sem liggur að fengsælustu fiskimiðum Íslands, að og firði sem eiga fá sér líka hvað lífríki og fegurð ?

Maður bara spyr sig.... hugmyndin lýsir dómgreindarskorti og skammsýni á hástigi, svo vægt sé til orða tekið. 99% likur segja "hugsjónamennirnir". Eru þeir í sambandi ?

"Arnarfjörður is widely considered the most beautiful fjord in the West Fjords because of its diverse landscape, magnificent mountains and the natural masterpiece of Dynjandi falls. "

Ég hræddur um að þennan texta þurfi að endurskoða á Explore Iceland á veraldarvefnum ef þessi algjörlega gölnu áform ná fram að ganga. En varla er hætta á því vegna skuldbindinga sem Ísland hefur undirgengist í loftslagsmálum.

                                                                                                                                                                                     

Olíuhreinsistöð: Umhverfismat er næsta skref

Athugasemdir

[Fannar frá Rifi, 7.8.2008 kl. 09:11]

Þarna segja þeir að þeir lýti til lágs orkuverðs sem kosts. Þetta þýðir að það mun ekki vera brend jarðefnaeldsneyti í stöðinni sjálfri til að knýja hana áfram. En hvar munu menn finna orku á Vestfjörðum fyrir Olíuhreinsunarstöð sem þarf orku á við Kárahnjúka? á að virkja Dynjanda?

Þó útlitið sé svart, þá held ég að til langstíma sé ekki sniðugt að éti hægri handlegginn þegar maður er svangur. 

[Jón Ingi Cæsarsson, 7.8.2008 kl. 09:55]

Ég held að enginn stjórnmálamaður á Íslandi láti sér detta í hug að taka undir þessar hugmyndir. Það er skiljanlegt að sveitarstjórnarmenn í litlum sveitarfélögum glúpni og taki undir þetta enda eiga þeir pólistískt líf sitt undir og það er erfitt að gefa frá sér seðlabúntin þegar þeim er veifað við nefið og talað um gæfu landshlutans og fólksins í firðinum.

En þetta er stærra mál en svo að það verði til lykta leitt í 500 - 1000 manna sveitarstjórnum. Þetta er orkuöflunarmál upp tugmilljarða virkjunum... þetta er orkuflutningamál um fjölda sveitarfélaga.. gríðarlegra línulagna.

Síðast en ekki síst...skuldbindingar okkar í loftslagsmálum gera þetta mál afar erfitt og það er ekki góð ímynd fyrir land og þjóð að rússneskir auðjöfrar séu að kaupa mengunarkvóta fyrir okkur af því allt er komið á bólakaf í skít heima hjá þeim.

[Bjarki (IP-tala skráð) 7.8.2008 kl. 10:13]

Ég er enginn aðdáandi miðstýringar og vildi raunar frekar sjá fleiri verkefni hjá sveitarfélögunum en þetta finnst mér nett galið. Að sveitarstjórn 900 manna sveitarfélags skuli geta tekið ákvörðun um svona tröllaukna framkvæmd sem augljóslega mun hafa áhrif langt út fyrir mörk sveitarfélagsins og mun hafa í för með sér stórhættu á óbætanlegu tjóni fyrir umhverfið og efnahag landsins.

Ég þekki ekki hvernig þetta gengur fyrir sig annarsstaðar en einhvernveginn finnst mér ólíklegt að smábær í Noregi t.d. geti tekið það upp hjá sjálfum sér að bjóða olíuhreinsunarstöð lóð og látið eins og það komi engum öðrum við.

Óháð umhverfismálunum þá finnst mér líka vera heldur mikill feluleikur í gangi varðandi bakgrunn þeirra aðila sem standa á bakvið þessi áform. Það er eitthvað svo yndislega sakleysisleg sveitamennska að halda að olíuiðnaðurinn sé bara eins og hver annar bissness, þetta er svo löðrandi í alþjóðapólitík og risavöxnum hagsmunum að það væri eðlilegra að ákvarðanir af þessu tagi væru teknar á æðstu stöðum í stjórnkerfinu. Ekki á hreppsnefndarfundi.

[Lára Hanna Einarsdóttir, 7.8.2008 kl. 11:51]

Ég minni á myndbandið í þessu samhengi... 

[Lilja Guðrún Þorvaldsdóttir, 7.8.2008 kl. 13:36]

Tek undir með henni Láru Hönnu og minni á myndbandið sem hún vísar á hér fyrir ofan. - Ég hvet alla til að skoða það. -