Vonbrigði.

27.7.2008 | 19:44

Nú eru nokkrir mánuðir liðnir frá því niðurstaða fékkst í málefnum Hafnarstrætis 98 með því að KEA keypti húsið með það í huga að gera það upp. Allir sem til þekkja vita að þetta verkefni er mjög flókið og kallar á gríðarlega undirbúningsvinnu og mun kosta hundruð milljóna... kannski 200 - 300 milljónir fari menn í að bæta við húsið til viðbótar við að gera upp nánast ónýtt hús.

Ef til vill eru burðarviðir þokkalega heilir en annað er varla nothæft og eftir er að sjá hvernig grunnur og undirstöður eru. Þetta er auðvitað gott og gilt og mun taka mörg ár áður en húsið kemst í notkun.

Það eru aftur á móti vonbrigði að nýjir eigendur hafa ekki axlað þá ábyrgð að koma útliti hússins í lágmark skikk.... rífa upplitaðar auglýsingar úr gluggum og helst að pakka húsinu inn í net sem hylur hörmungina sem blasað hefur við bæjarbúum og gestum á annan áratug.

Það hefur nákvæmlega ekkert verið gert og húsið er enn svartur blettur á miðbænum og dregur niður húsin tvö sunnan við sem þó eru í afar góðu standi. Mig eiginlega verkjar hreinlega þegar ég geng þarna framhjá...td í dag þegar sólir skín, bærinn fullur af fólki og þá blasir þetta lík við sama hvernig maður reynir að leiða það hjá sér...... það eru eiginlega vonbrigði eftir þær væntingar sem maður hafði þegar nýjir eigendur birtust af himnum.

ég skora á eigendur að grípa til ráðstafana þegar í stað til að lágmarka þann skaða sem þetta hús er í Hafnarstrætinu.

Flokkur: Bloggar | Facebook