Hvað veldur ? Ósamstarfshæfur ?

Ólafur borgarstjóri virðist erfiður í samstarfi. Allir vita hvernig fór fyrir meirihluta þeim þar sem hann var í oddaaðstöðu. Hann var einfaldlega ósammála þeim sem þar voru og því sleit hann meirihlutanum sem þá var. Samt var hann sammála þeim 100 dögum áður. Dúsan sem hann fékk hjá Sjöllum mun væntanlega duga til að halda honum þar sem hann nú er fram að því að Hanna Birna á að taka við.

Nú flýr aðstoðamaður borgarstjóra ráðhúsið, aðstoðarmaður sem hann réði sjálfur.

 „Við vorum að vissu leyti ósammála um nálgun á viðfangsefninu.“ er ástæðan sem Ólöf Guðný gefur sem ástæðu.  Þetta er í hnotskurn ferill Ólafs borgarstjóra í stjórnmálum. Ósammála um nálgun, kurteislega orðað. Sjálfstæðisflokkurinn kynntist því meðan Ólafur var þar innanborðs hversu mikill sérhagsmunamaður hann var þar og rakst illa í flokki. Endaði með að hann hljópst á brott. Hann hljópst á brott frá Tjarnarkvartetinum, ný hleypur aðstoðarmaður hann frá honum og ég efast ekki um það eitt andartak að hann býr til ágreining og hleypur frá þessum meirihluta þegar gullskeiðin verður tekin af honum.

Ólafur er sennilega ekki samstarfshæfur í stjórnmálum þegar upp er staðið, stjórnmál eru nefnilega málamiðlanir og samkomulag um strauma og stefnur en Ólafur kann það ekki..... hann sér aðeins eigin nafla og hagsmuni.

Ólöf Guðný hætt

Athugasemdir

[Óskar Þorkelsson, 1.7.2008 kl. 10:07]

held að þetta sé rétt skoðun hjá þér .

[Gísli Baldvinsson (IP-tala skráð) 1.7.2008 kl. 11:12]

Ætli sé einhver eftir á þessu sökkvandi skipi. Spái meirihlutaslitum í haust.

[Óðinn Þórisson, 1.7.2008 kl. 11:35]

Ef þú reynist sannspár, hvort viltu samstarf við Óla F. eða Hönnu ?

[Páll Jóhannesson, 1.7.2008 kl. 15:14]

Ég get ekki trúað því að nokkur heilvita maður vilji starfa með þessum meirihluta, það þýðir ekki annað en pólitískt sjálfsmorð. Leyfum þessum meirihluta að sigla sinn sjó og sökkva í djúpin sæ......

[Þórhildur Helga Þorleifsdóttir, 1.7.2008 kl. 21:55]

Spái því að þegar Hanna Birna kemur inn sem borgarstýra þá fái Ólafur að fljóta og VG koma inn með sjöllum....

[Víðir Benediktsson, 1.7.2008 kl. 23:07]

Það væri vitlaus flokkur sem tæki upp á því að skera Sjálfsstæðisflokkinn úr snörunni á síðasta ári kjörtímabils.

[Páll Jóhannesson, 1.7.2008 kl. 23:25]

Já Víðir þar erum við sammála

[Óðinn Þórisson, 2.7.2008 kl. 10:17]

Það vita það allir að Hanna og Svandís eru miklar vinkonur og ná vel saman. 
Ég er sammála þessu hjá Þórhildi þ.e ef Jón Ingi hefur rétt fyrir sér - það þarf jú þá að mynda nýjan meirihluta. Allir þekkja viðhorf dbe til samstafs við Sjálfstæðisflokkinn á þessu kjörtímabili.

[Jón Ingi Cæsarsson, 2.7.2008 kl. 10:38]

Ætli VG færi að taka sénsinn á að vinna með þessu hringlandaliði í Sjálfstæðisflokknum...það væri harakiri fyrir þá....enda eru þeir ekki að skora í skoðanakönnunum þarna þrátt fyrir allt og allt