Varla annað í stöðunni.

Ísbjarnardrápið í gær var slæmur kostur enn en ekkert annað í stöðunni. Engin deyfilyf til á ísbirni hér á landi, eina byssan til að skjóta slíku á Austurlandi og engin þekking eða búnaður til að flytja dýr af þessu tagi til staðar.

Það hafa ýmsir spekingar haft sig í frammi í þessu máli og margir sárhneykslaðir á að svona skyldi þurfa að fara. Þessir sömu menn eru líklega ekki að gera sér grein fyrir hvað þarf og virðast heldur ekki gera sér grein fyrir að dúllulegi ísbjörninn sem sást í fréttum í gær er skaðræðis rándýr og drepur mann á sekúndubroti ef hann kemst í færi til þess. Ísbirnir eru ekki gæludýr þó svo margir virðist líta þannig á málið. Dýri af þessu tagi er heldur ekki troðið í einhvern kassa eins og spekingurinn Magnús Þór Hafsteinsson skrifaði í bloggi sínu í gær. Hann virtist hafa meiri áhyggjur af ísbirninum en flóttamönnunum heimilislausu sem hann vildi ekki veita athvarf. Það er ekki sama sr. ísbjórn eða bara flóttamaður.

SUNN samtök um náttúruvernd segja.

 " Ennfremur segir að ef sú hætta stafi af ísbjörnum, sem látið er af, er það sinnuleysi af stjórnvöldum að ekki skuli vera til aðgerðaáætlun því að ísbirnir koma til landsins öðru hverju.  Vonandi verður slík aðgerðaáætlun gerð í kjölfar þessa atburðar og fagna samtökin yfirlýsingu umhverfisráðherra að farið verði rækilega yfir atburðarásina í gær"

Ég er sammála þeim hvað þetta varðar ... en það eru ekki bara stjórnvöld sem bera á þessu ábyrgð...samtök eins og SUNN hefðu alveg getað haft frumkvæði að þessari aðgerðaráætlun enda samtök sem hrærast í þessu umhverfi og eiga að hafa á málum skoðun.

Ég skil svo sem þó mönnum hafi ekki verið ísbirnir ofarlega í huga. Síðast gekk hér björn á land fyrir 20 árum síðan og varla líklegt að styttra verði í þann næsta því hafiís við Ísland verður æ sjaldgæfari með hlýnandi loftslagi.

„Harma ísbjarnardrápið"

Athugasemdir

[Hólmdís Hjartardóttir, 4.6.2008 kl. 11:11]

auðvitað var ekkert annað í stöðunni

[Jón Ingi Cæsarsson, 4.6.2008 kl. 12:01]

Ætli þeir sem þekkja til viti ekki betur.

" kjölfarið leitaði starfsfólk umhverfisráðuneytisins og Umhverfisstofnunar ráða hjá dýralæknum og sérfræðingum stofnana, Landhelgisgæslu og Háskóla Íslands um hvort og hvernig hægt væri að fanga björninn og flytja hann í sitt rétta umhverfi. Það reyndist samdóma álit allra sem rætt var við að það myndi reynast miklum erfiðleikum háð, m.a. vegna þess að rétt deyfilyf væru ekki til á landinu."

úr fréttum á mbl.is í gær.

[Óskar Þorkelsson, 4.6.2008 kl. 12:09]

algerlega sammála þér Jón.. eins og stundum áður

[Hansína Hafsteinsdóttir, 4.6.2008 kl. 20:59]

Jæja ég var nú líka í Oddeyrarskólanum í den. Það er kannski þess vegna sem ég er svona innilega sammála þér.