Fagna því að bílstjórar eigi 2 milljónir til að leika sér með.

Mér eiginlega léttir nokkuð. Ég hafði mikla samúð með mönnum sem berjast í bökkum og eiga vart til hnífs og skeiðar, hvað þá til að reka bílana sína. Olíuverð er í hæstu hæðum og verkefnin að dragast saman. Það er því eðlilegt að maður hafi áhyggjur að framvindu mála hjá þessari stétt manna.

En það er gott og mér léttir nokkuð núna. Það er ljóst að vörubílstjórar á höfuðborgarsvæðinu eiga nokkurn afgang. Þeir myndi ekki eyða tveimur milljónum króna auk vinnutaps í svona leikþátt nema eiga fyrir honum. Ef þeir eiga vel fyrir svona uppákomu er ljóst að þeir hafa fundið sér varasjóð og mér léttir nokkuð fyrir þeirra hönd.

Táknræn útför á Austurvelli

Athugasemdir

[Völundur Jónsson (IP-tala skráð) 29.5.2008 kl. 13:11]

Hver segir að þetta hafi kostað 2 milljónir?

[Gísli Baldvinsson (IP-tala skráð) 29.5.2008 kl. 13:18]

Gott blogg um þetta. http://lillo.blog.is/blog/lillo/entry/554058/#comment1430521

[Jón Ingi Cæsarsson, 29.5.2008 kl. 13:51]

Kom fram í fréttatíma Rúv í hádeginu....   http://dagskra.ruv.is/streaming/news/?file=4371250

[Óskar Þorkelsson, 29.5.2008 kl. 15:15]

frekar hallærisleg færsla finnst mér.. Samfylkingin er ekkert að skora mörg stig hjá mér þessa dagana

[Jón Ingi Cæsarsson, 29.5.2008 kl. 17:39]

Óskar....hvað kemur þessi færsta Samfylkingunni við.... sennilega ertu að grínast

[Jón Ingi Cæsarsson, 29.5.2008 kl. 17:40]

Ég er eimitt að lýsa létti mínum og ánægju með að menn séu ekki í alvarlegum vanda....í það minnst ekki jafn alvarlegum og ég hélt.

[Óskar Þorkelsson, 29.5.2008 kl. 18:44]

Jón , hún kemur samfylkingunni við því þú ert þar og hefur haft töluvert hátt um mótmæli bílstjórnana sem einmitt koma samfylkingunni við.. skiluru ?

[Jón Ingi Cæsarsson, 29.5.2008 kl. 21:45]

Þannig.... ég er líka sjálfboðaliði í Rauða krossinum.... þannig að ??? eða hvað.

[Jón Halldór Guðmundsson, 29.5.2008 kl. 22:02]

Mér finnst þessi aðgerð bílstjóranna ágæt.  Hún skaðar engan, vekur umræður og athygli á málstað þeirra.

Nú er útlit fyrir enn hækkandi heimsmarkaðsverð og væntanlega verður olían í 240 kallinum í haust.

En eigum við ekki að ræða hvað ríkisstjórnin á að gera í málinu,  því allir segja að hún hafi ekkert gert en eigi að gera "eitthvað".  Hvað á hún að gera?

Nú er samgönguráðherra að láta skoða strandflutninga sem þykja umhverfisvænir og létta á vegakerfinu.  Þessa flutninga á að styrkja.  Ekki er sú hugmynd bílstjórum þóknanleg. 

Hvaða úrræði sjá bílstjórar? Setja bílaeldsneyti í 7% skattflokk?

Ég vildi fremur styrkja almenningssamgöngur og lækka toll á minni bílum og hækka á stærri ökuteækjum. Þetta er alveg öfugt í dag.

Mér finnst alveg vanta málefnalega umræðu í málið.

[Bjössi (IP-tala skráð) 30.5.2008 kl. 12:47]

Ég hef nú ekki heyrt af því að Rauði krossinn eigi ráðherra í Rikisstjórn en það á samsullsfylkingin hins vegar.....  því miður:(