Mér datt þetta í hug. Bjarni og Ögmundur í Silfrinu.

Ég var að hlutsta á Bjarna Framsóknarmann og Ögmund Vinstri grænan ræða landbúnaðar og innflutningsmál.

Þá datt mér þessi gamla, fræga saga í hug.

Það hef ég seinast frétt af þeim bræðrum Eiríki og Helga að þeir sáu tungl  í fyllingu koma upp úr hafi og gátu síst skilið í, hvað það væri.Fóru þeir þá til næsta bæjar og spurðu bóndann þar hvað þessi hræðilega skepna væri.Maðurinn sagði þeim að það væri herskip. Við það urðu þeir svo hræddir að þeir hlupu inn í fjós og byrgðu bæði dyr og glugga svo engin skíma næði inn til þeirra,og þar er sagt að þeir hafi svelt sig í hel af ótta fyrir herskipinu.

Tveir bræðranna voru í Silfrinu áðan og er greinilega á leið norður þessara erinda en ég veit ekki hvar sá þriðji heldur sig en er örugglega þarna einhversstaðar.

Athugasemdir

[Gísli Baldvinsson (IP-tala skráð) 20.4.2008 kl. 13:25]

Sá þriðji var nafni minn sem missti höfuðið í hrísrúllunni. Er það ekki flokkurinn sem vantaði í Silfrið?

[Jón Ingi Cæsarsson, 20.4.2008 kl. 13:42]

Alveg rétt...þeir voru bara tveir eftir.

[Gísli Baldvinsson (IP-tala skráð) 20.4.2008 kl. 13:44]

æ, það á víst að segja "flokkinn sem vantaði"... gb

[Víðir Benediktsson, 20.4.2008 kl. 13:50]

Það eru tvær hliða á öllum málum, hafi Bjarni og Ögmundur verið öðru meginn var Árni Þór hinu meginn en hann er haldinn rörasýn á Evrópusambandið og sér ekki neina galla á því en það er annað mál. Hafi Bjarni og Ögmundur verið í fjósinu var Árni í haughúsinu súrefnislaust. Þó ég sé sjaldan sammála sjálfsstæðismönnum og nánast aldrei fannst mér Þorgerður koma langsamlega best frá þessum þætti. Hún var allavega til í að ræða báðar hliðar.

[Jón Halldór Guðmundsson, 20.4.2008 kl. 14:48]

Þorgerður kemur allfat vel út úr umræðuþáttum og það er afar einföld ástæða fyrir því.

Við vitum af hún er varaformaður sjálfstæðisflokksins og hún er í frjálslyndari eða eigum við frekar að segja í víðsýnni kantinum í þeim flokki.

Hennar framlag var að seja fyrst að það væru líka ókostir við inngöngu og nefndi útblástursmál.   Ég get alveg tekið undir að ef þú ert í selskap við annað fólk er æskilegt að hafa hemil á sínum útblástusmálum.

En hún gaf sterklega til kynna að í aðdraganda næstu kosninga yrðum við að vera í stakk búin til að eiga kost á inngöngu í Evrópusambandið.

Það eru tímamótaviðhorf og auðvitað finnst Víði það koma vel út fyrir hana.