Hefur gerst áður en ?

Rétt austan við Reykjanesvita er mikið jarðhitasvæði, eitt af mörgum á Reykjanesi. Gunnuhver er þekktasti hverinn þar, en flestir eru þeir bullandi leirhverir eða gufuhverir. Gunnuhver mun darga nafn sitt af Guðrúnu nokkurri sem gekk aftur og olli miklum usla á svæðinu þar til Eiríkur Magnússon, prestur í Vogsósum, tókst að koma draugnum fyrir með því að senda hana í hverinn.

Svo segir um hver þennan á netinu. Jarðhiti á Reykjanesi tengist virkum eldstöðvum og víða hefur gosið á sögulegum tíma. Síðasta hrina á þessu svæði.... þó innar á nesinu var á 15. öld og ekki ósennilegt að eitthvað kraumi undir nirðri á þessum slóðum.

Það eru ekki gömul hraunin á þessu svæði og td er hái hraunkamburinn við Kúagerði frá gosum á 15. öld.

En hver er staða okkar ef eldgos hefjast á Reykjanesi ? Þessi gos eru ekki stór á mælikvarða stóru eldstöðvanna á suðurlandi eða miðhálendinu. En vegna nágrennis við mikið þéttbýli er hætt við að gos á þessu svæði gætu valdið meiriháttar vandræðum. Stórir þéttbýlisstaðir, alþjóðaflugvöllur, orkuver og margt annað sem okkur þykir sjálfsagt í daglega lífinu á suðvesturhorninu.

Sem dæmi gætum við verið í djúpum ef flug legðist af til Keflavíkur í einhverjar vikur eða eldgos ógnaði virkjunum á utanverðu nesinu. Hvað sem öðru líður mun gjósa þarna í náinni framtíð hvort sem það verður á morgun, eftir 10 ár eða 100 ár..... svo mikið er víst. Aukinn jarðhiti er vísbending en það hefur gerst áður á þessu svæði án stærri atburða.

Gunnuhver færist í aukana

Athugasemdir

[________ (IP-tala skráð) 3.3.2008 kl. 20:21]

reyndar smá villa í þessu seinast jarðskjálfta hrina á reykjanesinu var í miðju kleifarvatni 17. og 21. júní 2000 

[Guðmundur (IP-tala skráð) 3.3.2008 kl. 23:17]

Ónefndur aðili gerir athugasemd við skrif Jóns Inga og segir smá villu vera í skrifunum því síðasta jarðskjálftahrina á Reykjanesinu hafi verið í Kleifarvatni árið 2000. Ég skil skrif Jóns Inga reyndar á þann veg að hann sé að tala um síðustu hrinu eldgosa en ekki jarðskjálfta og að þau hafi verið á 15. öld.

Jarðskjálftar eru mjög algengir á Reykjanesi og ekki eru margar vikur síðan Grindvíkingar vöknuðu upp við nokkra mjög snarpa skjálfta sem áttu upptök sín skammt ofan Grindavíkur.

Sú skjálftahrina sem hinn ónefndi vísar til þann 17. og 21. júní árið 2000 átti alls ekki upptök sín í miðju Kleifarvatni heldur á Suðurlandi og voru hinir margumræddu Suðurlandsskjálftar. Þeir höfðu hins vegar mikil áhrif á Kleifarvatn því vatnsborðið þar hefur lækkað um fleiri metra síðan. Heyrði hins vegar í vetur að það hefði hækkað aftur.

[Jón Ingi Cæsarsson, 3.3.2008 kl. 23:57]

Það eru þrjú eldgosakerfi á Reykjanesi. Reykjaneskerfið, Brennisteinsfjallakerfið og Trölladyngukerfið. Mikið gos varð í Reykjaneskerfinu 1211 - 1240. Þar er Gunnuhver. Þetta kerfi náði út í sjó og endar við Svartsengi.

Talið er að gos hafi verið í Brennisteinfjöllum og ef til vill víðar 1340 eða 1380.

Næstu gos fjær í tíma voru rúmlega 1000 árum fyrr. Þetta svæði er því vel virkt og þar koma hrinur á nokkurhundruð ára fresti. Að gjósi þarna er aðeins spurning um tíma en ekki hvort.