Er kirkjan á skjön við þjóðfélagið ?

 

 Þetta er fáránlegt að horfa á kirkjuna taka svona afstöðu. Grýtubakkahreppur er fámennt samfélag og þar munar um hvern mann sem kann að taka til hendi. Þarna hefur verið glæsilegur búskapur og umgengni og hirða jarðarinnar til fyrirmyndar. Ég þori að fullyrða að fáar jarðir standast henni snúning í fyrirmyndar búskap og umgengni.

Ég held að kirkjan ætti að kíkja á stöðu mála t.d. að Saurbæ þar sem áður glæsileg jörð er í niðurníðslu og fátt gert til að byggja þar upp. Eða kannski kirkjan ætti að kíkja svolítið nánar á sumar af þeim jörðum sem eru kirkjujarðir hér í Eyjafirði.

Mér finnst þessi afstaða kirkjunnar lýsa græðgi og heimsku. Það er alveg ljóst að þessi ágæta stofnun fær ekki mörg prik ef hún hrekur þennan glæsilega bónda af jörðinni Laufási við Eyjafjörð.

Gert að flytja húsið frá Laufási

Athugasemdir

[Gísli Baldvinsson (IP-tala skráð) 7.2.2008 kl. 22:23]

Hvenær hefur kirkjan verið jarðbundin, kæri Jón?

[Óskar Þorkelsson, 7.2.2008 kl. 23:05]

Bóndinn er með leigusamning.. alveg eins og ég.. þegar leigusamningurinn rennur út þá verð ég og umræddur bóndi að flytja.. hvað nákvæmlega er það sem kirkjan er að gera rangt Jón ?

[Ásta F. Flosadóttir (IP-tala skráð) 7.2.2008 kl. 23:24]

Sæll,

opna bréfið til biskups má lesa í heild sinni á www.astaflosa.blogspot.com

kveðja úr útfirðinum

Ásta F.

[Óskar Þorkelsson, 7.2.2008 kl. 23:44]

sem sagt.. ef pabbi er í vinnu hjá kirkjunni og fellur frá fyrir aldur fram, þá eigum við börnin hans að lifa bara áfram á kostnað kirkjunnar ?  ég er ekki alveg að skilja út á hvað þessi tilfinningavella gengur út á hjá fólki..

[Páll Jóhannesson, 8.2.2008 kl. 00:01]

Ég tek undir með ykkur. Þetta er óþolandi ands.... Tek undi með þresti varð reiður vægt til orða tekið.

[Þorsteinn Þormóðsson, 8.2.2008 kl. 01:05]

Ég held að þú, Óskar Þorkelsson" ættir að hafa vit á því vera ekki að tjá þig um þetta mál! Allavega er virðingarleysið algjört!!

[Óskar Þorkelsson, 8.2.2008 kl. 10:28]

í hverju er virðingarleysið fólgið Þorsteinn ?  fur'ðulegt að fólk megi ekki tjá sig , þetta er MÍN SKOÐUN.

[Gísli Baldvinsson (IP-tala skráð) 8.2.2008 kl. 11:22]

Menn mega ekki missa sig í þessari umræðu. Bloggvinirnir Stebbi Fr. og JIC fallast í skoðanafaðma. Kalli Matt hefur bent á regluna og fékk bágt fyrir. Mig langar að heyra afstöðu kirkjunnar áður en ég missi mig.

[Kjartan Pálmarsson, 8.2.2008 kl. 17:43]

'oskar! Lestu bréfið frá Ástu Flosa

[Daníel (IP-tala skráð) 8.2.2008 kl. 20:04]

Hér finnst mér menn láta tilfinningarnar hlaupa með sig í gönur. Í þessu tilfelli hefur prestssonur reist hús á kirkjujörð og séð um að hirða hana fyrir karl föður sinn sem nú er fallinn frá. Ég get á engan hátt séð að það skapi búseturéttindi fyrir viðkomandi prestsson. Ef svo væri gætu náttúrulega allir prestar landsins sem eru svo heppnir að búa á kirkjujörðum látið afkomendur sína og fjölskyldu byggja á jörðinni og tryggt þeim þannig búseturéttindi til frambúðar. Það er augljóst að svona lagað gengur ekki upp í siðuðu samfélagi. Ég geri ráð fyrir að nýr prestur taki við Laufási og jörðinni þar með. Það er þá á milli hans og prestssonarins hvernig þessum málum verður háttað.