Hver skrökvar ??

Mér finnst því ósvarað í þessari umræðu allri .. hver skrökvar ?

Ólafur F. Magnússon, nýr borgarstjóri, sagði í Kastljósi Sjónvarpsins að sjálfstæðismenn hefðu staðfest við sig að þeir hafi verið í alvöru þreifingum við Vinstri græna frá því meirihluti fjögurra flokka var myndaður í október.

Er það Ólafur F sem fullyrti þetta hér ofan við í Kastljósi. ?

Er það Villi sem kannast ekkert við að hafa sagt þetta við Ólaf ? ( Það ætti kannski að spyrja Kjartan ) Villa og Ólafi F ber ekki saman...

Eru það vinstri grænir ?

Mér þætti vænt um að fá það upplýst hver er að segja satt því þessi svör þessara þriggja aðila kalla á að þjóðin og sérstaklega Reykvíkingar verði upplýstir um hver er lygalaupurinn í þessu máli. 

 

Segir sjálfstæðismenn hafa átt í viðræðum við VG

Athugasemdir

[Páll Jóhannesson, 25.1.2008 kl. 16:55]

Villi, Óli og allt þeirra lið man ekki stundinni lengur hver sagði hvað og hver ætlaði að segja eða segja ekki eitthvað sem engin man eða veit hvort er satt eða logið eða stóð aldrei til með það gekk yfir - náðir þú þessu? Ekki ég, ekki þeir - þetta er góð lýsing á þeim sem stjórna borginni núna. Þeir dans og syngja sitt nýja einkennislag sem Ómar Ragnarsson samdi forðum ,,þrjú hjól undir bílnum og áfram skröltir hann þó" þeir vita greinilega ekki hvernig lagið endar og þegar kemur að seinustu vísunni verður gaman  hjá þeim, eða hitt þó heldur.

Sorglegast af öllu var að hlusta á ræðu Gísla Marteins Baldurssonar þar sem hann mærði Björn Inga Hrafnsson sem hinn mætasta mann, hreinskiptan og guð má vita hvaða lýsingarorð hann notaði. Munið þið hvað hann sagði um Björn Inga þegar hann sleit samstarfinu við sjálfstæðismenn? Gísli gengur draghaltur eftir þetta voðaskot sem hann hlaut í gær.

[Óskar Þorkelsson, 25.1.2008 kl. 17:41]

Ég held að óli falski segi satt,  og að Svandís segi satt varðandi þessar þreifingar.. lygarinn er Villi Vitgranni

[Viðar Freyr Guðmundsson, 25.1.2008 kl. 17:54]

Hvaða máli skiptir það hvort þessar viðræður hafi átt sér stað eða ekki ?

[Guðmundur Jóhannsson, 25.1.2008 kl. 19:29]

Auðvitað talar þetta fólk saman, annað væri skrítið.  Fólk er í pólitík til að hafa áhrif, það vill engin vera í minnihluta.   Þegar ekki er hreinn meirihluti þá þarf að semja og þá er taktikin að ná sem mestu fram af sínum málum.  Fyrri meirihluti var of veikur og ekki gengið frá málunum,  Því fer sem fer.  Ef Ólafur hefði ekki klikkað þá hefði Bingi sjálfsagt gert það, svo er alveg klárt að Vinstri græn voru ekki alskostar ánægð með þetta samstarf.  Annars hefðu þau ekki talað við Villa og co.

Svo veistu vel Jón að öllum spurningum verður ekki svarað, þetta er pólitík. 

[Jón Ingi Cæsarsson, 25.1.2008 kl. 20:17]

Ekkert að því að tala saman... þarna ber mönnum ekki saman. Ólafur segir að viðræður hafi verið í gangi og Sjallar frætt hann á því en Villi neitar að hafa sagt það. um það snýst málið.

Veit ég það Guðmundur...menn vita ekki endilega hvernig og hvar meirihlutar verða til en það er munur á að svara ekki spurningum eða gefa ýmiskonar svör við sömu spurningu