Mistökin byrjuð á ný og meirihlutinn 24 stunda gamall.

Það er atburðarás hafin þar sem frá var horfið í október. Mistök og flumbrugangur, fjáraustur og trúverðugleikinn dregin í efa.

Á fyrsta sólarhring hefur nýr meirihluti sóað hálfum milljarði af skattfé borgarinnar til að sinna greiðslu fyrir meirihlutann. Þetta var önnur afborgun í greiðslu til Ólafs F fyrir að svíkja. Fyrsta afborgun var borgarstjórnarstóllinn í gær og önnur afborgun var í dag, sennilega 600 milljóna greiðsla fyrir ónýt hús við Laugaveginn og svo kannski 100 - 150 í viðbót til að gera þau upp. Menn geta haft skoðun á því hvernig fornminjar það eru sem eru endurbyggðar frá grunni. Menn geta líka haft skoðun á meðferð skattfjár borgaranna.

Og svo er það hið ótrúlega klúður við skipan formanns barnaverndarnefndar Reykjavíkur. Kristín Edward var tilnefnd og kjörin formaður að henni forspurðri og þegar upp var staðið vildi hún ekki taka því embætti. Hún ætlar þó að bjarga skömmum Villa og félaga  og sitja fram að næsta borgarstjórnarfundi.

Þetta er hreint með ólíkindum og staðfestir svo ekki verður um villst að borgarstjórarflokkur Sjálfstæðismanna getur ekki unnið vel. Rei - málið var með meiriháttar mistökum sem gerð hafa verið í sveitarstjórnarmálum og mistökin halda áfram.

Ég er ekki hissa þó Reykvíkingar beri ugg í brjósti enda á öllu von hjá óstarfhæfum meirihluta borgarinnar.

Skipuð formaður barnaverndarnefndar að henni forspurðri

Athugasemdir

[Óskar Þorkelsson, 26.1.2008 kl. 10:04]

já þetta eru orð að sönnu Jón, ég kvíði komandi vikum þar til þessi meirihluti fellur frá aftur. Axarsköftin han Villa vitlausa eru ótruleg og mörg svo þegar Óli falski bætist við með enn heimskulegri gerðir þá eiga reykvíkingar ekki von á góðu.

[Jón Halldór Guðmundsson, 26.1.2008 kl. 12:52]

Æi, já. Ekki er það gott maður.  Þetta er nú meira leiðindamálið.

Ég hef verið að hugsa um hvað þetta er lýðræðislegt. Á það hefur verið bent að þessi meirihluti styðst við meirihluta í borgarstjórn. Það er út af fyrir sig rétt. Hins vegar er hann ekki með öruggan meirihluta því að varamenn Ólafs styðja ekki þetta samstarf. Eins finnst mér afar ólýðræðislega staðið að myndun hans. Ekkert samráð er haft við aðra á F listanum og ekkert við þorra borgarstjórnarflokks D lista heldur. Beitt er blekkingum og skrúðmælgi til að tæla ólaf til samstarfsins. Mér finnast þessi vinnubrögð óforsvaranleg!